Цаг уурын мэдээ хэдэн долоо хоногийн өмнөөс урьдчилан гарч байхад, Хот тохижуулах газар анхны цаснаар шалгалтанд унасан нь энэ байгууллагын удирдлагын арга барил ямар байгааг харууллаа. Шуурхай багийг байнгын бэлэнд байдалд байлгаж, болзошгүй ослоос сэргийлэх боломжийг бүрдүүлж ажиллаж чадахгүй байна.

Аймгийн шуурхай зөвлөгөөний үеэр аймгийн Засаг дарга М.Түмэнжаргал “урьд шөнө орсон нойтон цасны улмаас халтиргаа гулгаа үүсч,  авто машин мөргөлдөж иргэд хохиролтой байгаа” талаар онцолж ярьлаа. Тухайлбал нойтон цасны улмаас зуны дугуйтай байтугай өвлийн дугуйтай машин гулгаж, осол аваар гарсан. Үүнд Хот тохижуулах газар цаг агаарын байдлыг урьдчилан мэдэж нөхцөл байдал хүндрэхээс өмнө давсаа цацаж чадаагүй талаар шүүмжилсэн.

 Аймгийн хөрөнгө оруулалтаар 1,3 тэрбум төгрөгийн өртөгтэй авто замын засвар,  цэвэрлэгээ үйлчилгээ хийх зориулалт бүхий  техник хэрэгслийг  Хот тохижуулах газарт  хүлээлгэн өгсөн. Гэтэл болзолшгүй аваар ослоос урьдчилан сэргийлж тоног төхөөрөмжөө ашиглаж чадаагүй бөгөөд цас хайлсны дараа давсаа цацсан нь Хот тохижуулах газар ажлаа муу гүйцэтгэж байгааг илтгэлээ