Урин дулааны цагт хотын дэд бүтцийг сайжруулах чиглэлээр Авто замын хурд сааруулагчийг засварлан стандартын шаардлагад нийцүүлэх, авто зам засварлах, шинээр барих ажлыг үе шаттайгаар хийж гүйцэтгэх ажил эхэлжээ. Тухайлбал, Гэр хорооллын хатуу хучилттай авто зам дагуу долоон байршилд, орон сууцны хороололд хоёр байршилд автобусны буудал барих ажлын гүйцэтгэгчээр “Талст билэг” ХХК шалгаран ажиллаж ажлын явц 45 хувийн гүйцэтгэлтэй явагдаж байна. Хотын доторх нийтийн тээврийн үйлчилгээний тэмдэг, тэмдэглэгээ, зогсоол, талбайд үзлэг хийж шинээр автобусны зогсоолыг “Спорт комплекс”-ийн зүүн хойд талд гаргахаар шийдсэн аж. Мөн зарим шаардлагатай цэгүүдэд хурд сааруулагчийг стандартын шаардлагад нийцүүлэн нэмж хийлгэх, 2017 оны зам, засварын ажилд тусгуулан хийлгэхээр мэргэжлийн байгууллагуудтай хамтран ажиллаж байна. [sgmb id="1"]