Аймгийн Засаг даргын шуурхай зөвлөгөөн дээр Хот байгуулалт, барилга захиалагчийн албаны дарга Д.Мөнхдалай орон нутагт хийгдэж байгаа сургууль, цэцэрлэгийн засварын ажлын явцын талаар мэдээлэл хийсэн юм. Уг мэдээллээс харвал энэ оны хувьд улсын болон орон нутгийн төсвийн хөрөнгө оруулалтаар аймгийн боловсролын салбарын хэмжээнд 22 ажил гүйцэтгэжээ. Аймгийн хөрөнгө оруулалтаар: **** “Бялзуухай” цэцэрлэгийн  гадна дулаан, цэвэр усны шугам засварлах **** Зургаадугаар цэцэрлэгийн цонхны засвар **** Гуравдугаар сургуулийн засвар **** Жаргалант сумын гуравдугаар цэцэрлэгийн засвар **** 16 дугаар цэцэрлэгийн цонхны засвар **** ”Оюу”цэцэрлэгийн цонхны засвар, аваарын шат хийх **** Дөрөвдүгээр цэцэрлэгийн засвар **** ”Орхон” цогцолбор сургуулийн гадна биеийн тамирын талбайд хиймэл зүлэг бүхий хөл бөмбөгийн талбай байгуулах **** 17 дугаар сургуулийн биеийн тамирын талбайг иж бүрэн тохижуулах **** 20 дугаар цэцэрлэгийн хашаа барих **** Рашаант, Цагаанчулуут, Уртын гол багуудын дунд 280 хүүхдийн цэцэрлэг барих ажлууд багтжээ.  Энэхүү 11 ажлын нийт өртөг нь хоёр тэрбум 465 сая 817.6 сая төгрөг юм. Баян-Өндөр сумын хөрөнгө оруулалтаар: **** Хоёрдугаар сургуулийн биеийн тамирын атлбайн тохижилтын ажил **** “Орхон” цогцолбор сургуулийн гадна талбайн тохижилтын ажил **** 7 дугаар сургуульд биеийн тамирын талбай тохижуулах ажил. Нийт өртөг нь 178.3 сая төгрөг. Жаргалант сумын хөрөнгө оруулалтаар: **** Жаргалант сумын сургуулийн урлагийн заалны дотор засварын ажил **** Жаргалант сумын сургуулийн урлаг, спорт заалны дээврийн засварын ажил **** Жаргалант сумын сургуулийн дотуур байр, гадна орчинг иж бүрэн камержуулах **** Гуравдугаар цэцэрлэгийн заах аргын нэгдлийн өрөөг засварлах ажил. Нийт өртөг нь 85.4 сая төгрөг. Улсын төсвийн хөрөнгө оруулалтаар: **** Долоодугаар сургуулийн засварын ажил[sgmb id="1"] **** 21 дүгээр цэцэрлэгийн халаалт, сантехникийн засварын ажил **** Хоёрдугаар сургуулийн барилгын засварын ажил **** Нэгдүгээр сургуулийн дээврийн засварын ажил засварлах зэрэг 22 нэр төрлийн ажил байна. Наймдугаар сарын 20-ны байдлаар аймгийн хэмжээнд хийгдэж байгаа 22 ажлаас 10-ыг нь улсын комисс хүлээн авчээ. Үлдсэн 12 ажил 2017-2018 оны хичээлийн шинэ жилийн нээлтээс өмнө дуусах юм байна.