Аймгийн Засаг дарга Д.Батлутаас ирэх жилийн төсвийн талаар тодруулга авлаа. -Аймгийн ИТХ-аар энэ оны төсвийн толотгол, ирэх жилийн төсвийг баталлаа. Нэг талаас нь харвал бүсээ чангалсан төсөв болсон ч иргэдийн татварыг үр ашигтай зүйл зарцуулахад анхаарчээ. Манай аймгийн хувьд “Шилэн дансны хууль”-ийн хэрэгжилт ямар хэмжээнд байна вэ? -Ирэх жилийн төсөв нэг талаасаа таны хэлж байгаатай ижил боловч нөгөө талдаа төсвийн орлогыг нэмэгдүүлэх тал дээр ихээхэн анхаарсан гэхэд болно. Иргэдийнхээ татвараар бүрдсэн орлогыг хэрхэн зөв зохистой зарцуулах вэ гэдэгт манай аймгийн ИТХ-ын төлөөлөгчид, төсвийн оруулж байгаа аймгийн ЗДТГ-ынхан илүү их анхаарсан.Тиймдээ ч “Шилэн дансны хууль”-ийг хэрэгжүүлэхэд анхаарч байгаа. Хуулийн дагуу таван сая төгрөгнөөс дээш үнийн дүнтэй худалдан авалтыг нийтэд ил тод болгосон. Аймгийн ЗДТГ-ын болон манай сайт дээр манай аймгийн Засаг дарга болон түүний Тамгын газрын Шилэн дансны талаар мэдээлэл ил тод байгаа. Энэ бүхнээс харвал хуулийн хэрэгжилт сайн байгаа. -Аймгийн ИТХ-ын төлөөлөгчид 2017 оны Үндсэн чиглэл болон Таны мөрийн хөтөлбөрийн хэрэгжилтийг дүгнэсэн. Ажил сайн байгаа. Гэхдээ нэг зүйлийг тодруулмаар байна. Аймгийн ЗДТГ-ын хэрэгжүүлэгч агентлаг болон хоёр сумын хувьд Шилэн дансыг сайн хөтөлбж байгаа гэдэг дүнг Иргэний нийгмийн байгууллагаас тавьсан. Харин босоо удирдлагатай зарим нэг байгууллага, “Эрдэнэт үйлдвэр”-ийн хувьд Шилэн дансны хувьд асуудал байдаг. Үүнийг яаж зохицуулах вэ?[sgmb id="1"] -Аймгийн ИТХ-ын төлөөлөгчид 2017 оны Үндсэн чиглэлийн биелэлтийг 89.1 хувь хэмээн дүгнэсэн. Хөрөнгө мөнгө, санхүүжилтээс шалтгаалсан зарим нэг ажил хойшлогдсон зэрэг зүйл бол бий. Аймгийн ЗДТГ болон аймгийн Засаг даргын харьяаны агентлагууд Шилэн дансны хөтлөлтөө аймгийн Санхүү, төрийн сангийн Шилэн дансанд бүртгүүлдэг, хуульд заасныхаа дагуу. Босоо удирдлагатай болон зарим нэг байгууллагад асуудал байгааг үгүйсгэхгүй. Тухайлбал, “Эрдэнэт үйлдвэр”-ийн хувьд хууль эрх зүйн зохицуулалтаар тодорхой хүндрэл учирч байгаа болов уу. Энэ бүхнийг шийдэх гарц байгаа. Ямар ч байсан энэ оны хувьд манай аймаг Шилэн дансны хөтлөлтөөр бусдаас сайн байгааг хэлэх нь зөв байх.