Баян-Өндөр сумын ИТХ дахь АН-ын бүлгийнхэн энэ удаагийн хуралдааныг орхин гарлаа. Тэдний хувьд эрх баригчдад үндсэндээ хоёр төрлийн шаардлага тавьсан. Нэгдүгээрт, 2017 онд ОНХС-ийн хөрөнгөөр 2.2 тэрбум төгрөгийн ажил хийсэн. Үүний 60 хувь болох 1.2 тэрбум төгрөгийн ажлыг сумын Засаг дарга Шууд худалдан авалтын аргаар хийсэн нь хууль зөрчсөн үйлдэл биш үү. Өнөөдөр тэрхүү 60 гаруй ажлаас өндөр өртөгтэй 8 ажил нь хийгдээгүй гэж ойлгогдож байна. Ажлын гүйцэтгэлийн зургийг үзмээр байна. Ямар төсөвт өртгөөр энэ ажлууд хийгдсэн талаар мэдээллийг бидэнд өгөхгүй байна. Энэ талаар тодруулахаар хариулт өгөхгүй байна. Эндээс харвал эрх баригчид 1.2 тэрбум төгрөгийн зөрчил гаргасан нь ойлгомжтой байна. Сумын Засаг дарга энэхүү 1.2 тэрбум төгрөгийг ашиг сонрхлын зөрчлөө нууж байгаад олгосон юм биш үү. Үүнийг ярих гэхлээр яагаад дайраад байгаа юм бэ. Дутуу хийгдсэн нэр бүхий найман ажил хэдэн төгрөгийн төсөвтэй юм бэ. Бид үүнийг хууль хяналтын байгууллагаар шалгуулна. [sgmb id="1"] Хоёрдугаарт, 2018 оны ОНХС-ийн хөрөнгө оруулалтын төлөвлөгөөг харвал арай биш ээ. Цахим мэдээлэлд 20 сая төгрөг зарцуулна, Жимс жимсгэнэ тахиад 20 сая, антибиотекийн үлдэгдэл тодруулахад 20 сая төгрөг, 45 сая төгрөгөөр төлөөлөгчдөд нөүтбүүк авч өгөх, зэргээр үр ашиггүй олон хөрөнгө оруулалт хийх гэж байна. Иймээс бид 2018 оны ОНХС-ийн хөрөнгө оруулалтыг батлахаас татгалзаж байна. Рашаант, Их залуу багт ОНХС-ийн хөрөнгөөр юу ч хийгдэхгүй нь. ОНХС-ийн хөрөнгө оруулалтыг эрх баригчид ялгавартай олгож байна. Тухайлбал, Говил багаас сумын сумын орлогч Одгэрэл сонгогдсон учраас тэнд 64 сая төгрөг тавьжээ. Мөн Баянцагаан багт 40 гаруй сая төгрөг тусгасан. Хурлын даргын тойрог учраас тэр. МАН бүлгийн даргын тойрогт 30 сая төгрөг гээд дан өөрсдийн тойрогтоо ОНХС-ийн мөнгийг суулгаж байна. Нэг компанид дээд тал нь 6 тендэр олгосон байна. Шаардлагагүй олон ажилд хөрөнгө оруулсан зэрэг олон зөрчил дутагдал байна. Иймээс бид энэ удаагийн хуралдааныг орхин гарч байна хэмээн мэдэгдээд хуралдааныг орхилоо.