Монголын төр өндөр настануудаа хүндэтгэж ирсэн сайхан уламжлалтай. Монгол түмний уламжлалт баяр болох Цагаан сарын үеэр 100-аас дээш настай ахмадууддаа хүндэтгэл үзүүлдэг уламжлалтай. 2018 оны хоёрдугаар сарын байдлаар Монгол улсад 100-аас дээш настай 121 ахмад байна хэмээн Үндэсний статистикийн хорооноос мэдээлсэн. Эдгээр өндөр настнуудын 12 нь буюу 9.9 хувь нь эрэгтэйчүүд, 99  нь буюу 90.1 хувь нь эмэгтэйчүүд  ажээ.       Монгол улсын Ерөнхийлөгч 100-аас дээш настай ахмадуудад Сар шинийн баярын үеэр гарын бэлэг хүргүүлдэг уламжлалтай.       Орхон аймгийн хамгийн өндөр настай иргэн бол 103 настай Э.Лхамсүрэн гуай. Эрдэнэ багийн Хабитатад оршин суудаг. XVII жарны “Тийн унжлагат” хэмээх шороон нохой жилийн хаврын тэргүүн сарын Шинийн нэгний өдөр Э.Лхамсүрэн гуайнд аймгийн ЗДТГ-ын дарга Д.Соёлчхүү зочлон Монгол улсын Ерөнхийлөгчийн бэлэг, аймгийн Засаг даргын гарын бэлгийг гардуулан өгч хүндэтгэл үзүүллээ.         Эдүгээ үр ачаа тойруулан налайж суугаа Э.Лхамсүрэн гуай 1915 онд Архангай аймгийн Цахир суманд төржээ. Залуудаа Цахир сумандаа мал маллаж, нэгдэлдээ саалчин хийж явжээ. Зургаан хүүхэд төрүүлж өсгөсөн бөгөөд 1981 онд анх Эрдэнэтэд шилжин ирсэн аж.[sgmb id="1"]