“Уурхайчин эмэгтэйчүүд хөгжлийн төлөө” үндэсний анхдугаар чуулганыг зохион байгуулагч “Эрдэнэт үйлдвэр” ХХК-ийн эмэгтэй уурхайчдын талаарх зарим тоон мэдээллийг уншигчиддаа хүргэж байна. Өнөөдрийн байдлаар “Эрдэнэт үйлдвэр”-т 6045 хүн ажиллаж байгаа аж. Тэдний 4147 эрэгтэй бол үлдсэн 1898 нь эмэгтэй ажилчид аж. Эмэгтэйчүүд нийт ажилчдын 31.4 хувийг эзэлж байгаа юм. Нийт ажилчдын 1796 нь инженер, техникийн ажилтан байдаг. Тэдний 29 хувь буюу 726 нь эмэгтэйчүүд байна. Харин ажилчдын хувьд нийт 4249 хүн байдаг. Үүний 1172 нь буюу 27.6 хувь нь эмэгтэйчүүд гэнэ. “Эрдэнэт үйлдвэр”-ийн хувьд нийт ажилчдад эмэгтэйчүүдийн эзлэх хувь 31.4 байгаа нь олон улсын ижил төрлийн уул уурхайн үйлдвэрүүдээс ч өндөр үзүүлэлт гэдгийг мэргэжилтнүүд онцолж байлаа. Уул уурхайн салбарт ажиллагсдын хүйсийн харьцааг сонирхуулахад: Монгол улсын геологийн салбарт нийт 4021 хүн ажиллаж буйн 821 нь эмэгтэйчүүд ажээ. Харин Хүнд үйлдвэрийн салбарт ажиллаж буй 5360 ажилтны 320 нь мэгтэй ажилтан байна. Газрын тосны салбарт ажиллаж буй 2803 хүний 1449 нь эмэгтэйчүүд байна гэдэг судалгааг мэргэжилтнүүд гаргажээ. [sgmb id="1"]