“Дэлхийн зөн Монгол” олон улсын байгууллагын Орхон аймаг дахь салбар  15,18 дугаар цэцэрлэгийн эцэг эхчүүдийг гэр бүлийн боловсрол олгох сургалтад хамрууллаа. “Хүүхдийн хөгжил  хүмүүжилд сургууль, цэцэрлэг, багшийн оролцооноос гадна эцэг эхийн үүрэг, гэр бүлийн орчин чухал нөлөөтэй. Тийм учраас сургуулийн өмнөх боловсролд багш, эцэг эхийн хамтын оролцоог сайжруулах хэрэгтэй байна” гэж гэр бүл судлаач, доктор, профессор Б.Оюун-Эрдэнэ тайлбарлаж байна. Гадны улс орнуудад ээж аавын, тэр дундаа  гэр бүлийн үүрэг оролцоо хүүхдэд ихээхэн нөлөөлдөг гэж үзэн тусгай хөтөлбөр хэрэгжүүлдэг байна.  Хүүхдийн хөгжлийн суурь нь 0-7 насанд явагддаг.  Хүүхэд цэцэрлэгтээ сурсан зүйлийг гэрт нь  давтуулан  дадал суулгаснаар зөв хүмүүжил болдог гэдгийг судлаач онцоллоо. Гэр бүлийн боловсрол олгох сургалтаар гэр бүлийн орчин хүүхдэд хэрхэн нөлөөлдгийг ойлгуулах,  хүүхдийн нас, бие сэтгэлзүйн онцлогийг таниулахыг зорьж байна.   Энэ чиглэлийн сургалт явуулдаг газар хангалтгүй байгаа нь эцэг эхчүүдэд мэдлэг мэдээлэл олж авахад хүндрэлтэй байгаа юм.  Иймд эцэг эхийн оролцоо, хандлагыг дээшлүүлэх нь нэн тэргүүний асуудал болсон байна.[sgmb id="1"]