Жаргалант сумын түүхт 40 жилийн ойн баяр наадам маргаашнаас эхлэх гэж байна. Сумын засаг дарга Б.Зоригтбаяр аймгийн Засаг даргын шуурхай зөвлөгөөн дээр энэ талаар мэдээлэл хийв. “Сумын түүхт 40 жилийн ойн баяр наадам 17, 18, 19-нд болно. Байгууллагын дарга нар та бүхэнд баяр наадмын урилга өгч байна. Манай наадамд хүрэлцэн ирээрэй.  Улсын баяр наадмын үеэр сумын хэмжээнд хариуцлагатай жижүүр гаргаж ажиллуулсан. Ямар нэгэн зөрчил гараагүй. Бусад ажил хэвийн явагдаж байна” хэмээн ажлын тайлангаа тавьсан. Шуурхай хуралддаг их танхимын үүдэнд Жаргалант сумын ЗДТГ-ын хэдэн хүүхнүүд байгууллагын дарга нарт урилга тараасан. “Үнэгүй юманд нугасгүй” гэдэгчлэн манай аймгийн зарим нэг байгууллагын дарга нар Б.Зоригтбаяр даргын тарааж байгаа урилган дээр овооч тэрүүхэндээ л хөөрхөн бужигнаан болоод амжив. Урилгатай дарга түүнийгээ үзүүлээд төв асарт сууж тухална. Дээр нь оройн зоогонд орж дайлуулж, цайлуулна. Явахдаа гарын бэлэг хүртэнэ. Ийм учраас Жаргалантын Б.Зоригтбаярын гарын бэлгийг хүртэх гэж чихэр горьдсон хүүхэд шиг дарга нар урилган дээр үхэлдэж байхав. Наадмын урилга тарааж байгаа нь[sgmb id="1"] Энэ долоо хоногийн хувьд Жаргалант суманд төрийн аливаа ажил, үйлчилгээ явагдахгүй тэр аяараа наадмаар амьсгалах бололтой. Жаргалантын 40 жилийн ойн баяр тохиох нэрээр Орхон аймаг болон Баян-Өндөр сумын төрийн байгууллагын үйлчилгээ тасалдах, доголдох учиргүй гэдгийг аймгийн орлогч дарга А.Түвшинжаргал дахин дахин анхааруулж байлаа. Ямар ч байсан байгууллагын дарга нар Б.Зоригтбаярын наадмын урилгатай нэрээр энэ долоо хоногт тэр чигтээ наадамлах нь ээ.