Манай аймгийн  анхны хувийн хэвшлийн сургууль болох англи хэл, математикийн гүнзгийрүүлсэн сургалттай Ерөнхий боловсролын “Эрдмийн сан” сургуулийн 23 дахь хичээлийн жилийн нээлт боллоо. 2018-2019 оны хичээлийн жилд тус сургуулийн нэгдүгээр ангид 20 шахам хүүхэд шинээр элсэн орсон байна. “Эрдмийн сан” сургуулийн ТУЗ болон сургуулийн захиргаанаас өнгөрсөн зун анги танхим болон урлагийн заалыг шинэчлэн тохижуулах зэрэг олон ажлыг хийжээ. Тус сургуулийн 12 дугаар ангийг өнгөрсөн хавар төгссөн хоёр ч сурагч Элсэлтийн ерөнхий шалгалтын англи хэлний хичээлийн шалгалтандаа 800 оноо авч бусдыгаа тэргүүлжээ. Аймгийн хэмжээнд өнгөрсөн хавар ЭЕШ өгсөн сурагчдаас 10 хүүхэд 800 оноо авсаны хоёр нь тус сургуулийн сурагчид байсан юм. Тус сургуулийн хамт олон өнгөрсөн хичээлийн жилд хөдөө орон нутагт анх удаагаа “Робокон” тэмцээнийг амжилттай зохион явуулжээ. Энэ хичээлийн жилд тус сургуулийн багш, хамт олон эцэг эхчүүдийнхээ оролцоотойгоор хүүхэд бүрийн сурлагын чанарт амжилт гаргах зорилготойгоор  шинэ хичээлийн жилийн нээлтээ хийлээ. [sgmb id="1"]