“Эрдэнэт хотын хөгжил, бодлого судалгааны хүрээлэн”-гийн тэргүүн Б.Бат-Эрдэнийн санаачилгээр зохиогдох “Эрдэнэтийн ирээдүйн эзэд” байгалийн ухааны нэгдмэл агуулгын хоёрдугаар олимпиад гуравдугаар сарын 30-нд “Хангарьд” паласт болох гэж байгаа билээ. Хоёр дахь удаагаа зохиогдож буй эл олимпиадад ерөнхий боловсролын төгсөх ангийн сурагчид математик, хими, физик, биологи зэрэг байгалийн ухааны хичээлийн нэгдмэл агуулгаар өрсөлдөнө. Өнгөрсөн онд  энэ олимпиадыг анх удаагаа Эрдэнэт хотод зохион байгуулсан. Энэ удаад  энэхүү олимпиадыг санаачлагч Б.Бат-Эрдэнийн дэмжлэгтэйгээр хоёр дахь удаагаа зохион байгуулах агаад “Эрдэнэтийн ирээдүйн эзэд”-ийг 500 мянгаас нэг сая төгрөгийн мөнгөн шагналаар шагнах ажээ. Мөн үүнээс гадна олимпиадад шавь нараа амжилттай бэлтгэн оролцуулсан сургуулийн ЗАН-үүдийг шалгаруулж мөнгөн шагналаар урамшуулах гэнэ. Ингээд уншигчиддаа “Эрдэнэтийн ирээдүйн эзэд II” олимпиадын удирдамжийг танилцуулж байна.     “Гэрэлтэй Эрдэнэт” хөтөлбөрийн хүрээнд  Бат-Өлзийн  Бат-Эрдэнийн  санаачилгээр зохиогдож буй “Эрдэнэтийн ирээдүйн эзэд- II” байгалийн ухааны нэгдмэл агуулгын                     хоёрдугаар олимпиадын удирдамж Нэг. Зорилго Ерөнхий боловсролын сургуулийн төгсөх XII ангийн суралцагчдын цаашид суралцах хүсэл сонирхолыг идэвхжүүлэх, байгалийн ухааны хичээлийн нэгдмэл агуулгын хүрээнд эзэмшсэн мэдлэг, чадварыг сорих, боловсролын үнэлгээнд шинэ технологи нэвтрүүлэн амжилттай нутагшуулахад оршино.  Хоёр. Хамрах хүрээ Орхон аймгийн хэмжээнд үйл ажиллагаа явуулж буй төрийн болон төрийн бус өмчийн ерөнхий боловсролын сургуулийн төгсөх 12 дугаар ангийн суралцагчдаас сургууль тус бүр ЗАН-тэй хамтран Байгалийн ухааны нэгдмэл агуулгаар зөвхөн 5 шилдэг суралцагчийг сонгон оролцуулна.  Гурав. Олимпиадын агуулга Байгалийн ухааны нэгдмэл агуулгад: математик, физик, хими, биологи, газарзүйн судлагдахууны агуулга хамрагдана.  Дөрөв. Бүртгэлийн хугацаа Олимпиадад оролцогчдыг 2019 оны 03 дугаар сарын 25-ны өдрийн 09.00 цагаас эхлэн 2019 оны 03 дугаар сарын 26-ний өдрийн 18.00 цаг хүртэл Боловсролын үнэлгээний төвийн eec.mn хаягаар сургалтын менежер суралцагчаа бүртгэнэ. 2019 оны 03 дугаар сарын 27-ны өдөр суудлын хуваарийг хийнэ. 2019 оны 03 дугаар сарын 29-ны өдөр техникийн зөвлөгөөн дээр олимпиадад оролцох суралцагчдын суудлын хуваарь бүхий МАНДАТ-ыг тараана.  Тав. Зохион байгуулах хугацаа Хэзээ:  - 2019 оны 03 дугаар сарын 30-ны өдөр 0900 цагт эхэлнэ                /Жич: Сурагчид 30 минутын өмнө суудлаа эзэлсэн байна./ Хаана: “Эрдэнэт Үйлдвэр” ХХК-ийн Хангарьд спорт цогцолбор Хангарьд спорт цогцолбор  Зургаа. Техникийн зөвлөгөөн             Олимпиадад оролцогчдод мэдээлэл хүргэх зорилготой техникийн зөвлөгөөнд сургууль тус бүрээс 1 сургалтын менежер оролцоно. Техникийн зөвлөгөөн 2019 оны 03 дугаар сарын 29-ний өдөр Боловсрол соёл урлагийн газрын хурлын танхимд 10.00 цагаас эхлэнэ. Долоо. Засах, үнэлэх үйл ажиллагаа Байгалийн ухааны нэгдмэл агуулга бүхий олимпиад явагдаж дууссаны дараа материалыг шууд засаж, дүн оноог ил тод суралцагчдад мэдээлнэ. [sgmb id="1"]Найм. Шагналын сан             Суралцагчдыг авсан оноогоор эрэмбэлж I – III, тусгай байр  эзлүүлэн жагсаана. Мөн тэргүүний ЗАН -ийг шалгаруулна. Үүнд: Шилдэг СУРАЛЦАГЧ – Байгалийн ухааны нэгдмэл агуулгаар дараах байрыг тодруулан шагнаж урамшуулна. I байр - 1 сая төгрөг, Өргөмжлөл, үнэ бүхий зүйл II байр - 700 мянган төгрөг, Өргөмжлөл, үнэ бүхий зүйл III байр – 500 мянган төгрөг , Өргөмжлөл, үнэ бүхий зүйл Тусгай байр- 200 мянган төгрөг, Өргөмжлөл, үнэ бүхий зүйл Шилдэг ЗАН – Байгалийн ухааны нэгдмэл агуулгаар шилдэг дөрвөн ЗАН-ийг тодруулна. Эхний байруудад шалгарсан суралцагчийн амжилтад үндэслэн сургуулийн заах аргын нэгдлийг тодруулж, тус бүр 200 мянган төгрөг, өргөмжлөлөөр урамшуулна.