Цар тахлын дэгдэлт нийслэлд эрчимжиж хүндхэн байгаа энэ өдрүүдэд орон нутаг ч эрсдэлээс сэргийлж олон ажил хийж байгаа. Аймгийн Онцгой комиссоос нэгдүгээр сарын дунд үеэс эхлэн хулгайн замаар тээврийн хэрэгсэл нэвтрүүлэхгүй байхын тулд найман пост нэмж ажиллуулсан нь үр дүнгээ өгч байна. Өнгөрсөн 7 хоногт манай аймагт хулгайн замаар нэг ч тээврийн хэрэгсэл нэвтрээгүй байна. “Хүнд хэцүү цагт хулгайн замаар өнөөх коронавирус ороод ирэх вий гэж иргэд маш их санаа зовж байгаа. Үүний хүрээнд найман пост нэмж ажиллуулсан аймгийн Онцгой комиссын ажлын үр дүн гарч байна” хэмээн шуурхайг удирдсан Засаг даргын орлогч А.Түвшинжаргал өгүүлсэн юм.

<iframe width="560" height="315" src="https://www.youtube.com/embed/CBwp0og7bGQ" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>