Аймгийн Онцгой комиссын хэвлэлийнхэнд хийсэн мэдээлэлд Эрдэнэт үйлдвэрийн Ерөнхий захирлын нэгдүгээр орлогч, ерөнхий инженер Д.Батмөнх оролцож мэдээлэл өглөө. 

Тэрбээр “Эрдэнэт үйлдвэрийн Гамшгаас хамгаалах шуурхай штаб  хариу арга хэмээний төлөвлөгөөний дагуу ажиллаж байна. Үйлдвэрийн ерөнхий захирлын 2 тушаал гарсан. Эхнийх нь нийгмийн цехүүдийн үйл ажиллагааг түр зогсоосон тухай. Хоёр дахь нь ажилчдын дунд хөдөлмөр, зохион байгуулалтын өөрчлөлт хийх тухай байгаа. Дээрх тушаалуудын дагуу 0-12 насны хүүхэдтэй эрэгтэй, эмэгтэй 186 ажилтанд цалинтай чөлөө олгосон. Мөн 290 гаруй хүн цахимаар зайнаас ажиллахаар болсон. Нийгмийн цехийн 170 гаруй ажилтанд цалинтай чөлөө олголоо.

Үйлдвэрийн ажилчдаас түргэвчилсэн оношлуураар шинжилгээ авах ажил хийгдэж байна. Одоогийн байдлаар 4340 хүнийг шинжилгээнд хамрууллаа. Үлдсэн ажилчдаа өнөөдөр хамруулж дуусгана. Дээрх 4340 хүнээс шөнө 5, өглөө нэг, нийт 6 сэжигтэй тохиолдолд илэрсэн. Давтан шинжилгээ хийж байна. Ажилчдын хамгаалах хэрэгсэл, ариутгалын бодис зэргийг нэмэлтээр бүрэн хангасан. Үйлдвэрийнхээ ажилчдыг ойрын хугацаанд вакцинжуулна. Ерөнхий захирал Улаанбаатарт ажиллаж байна. Вакцин авах, ажилчдаа вакцинжуулах ажил хөөцөлдөж байгаа. Эрдэнэт үйлдвэр зогсох эрхгүй улсын Онцгой объект. Бидэнд дан ганц цар тахлын үед гэлтгүйгээр байнгын ажиллагааг хангах, онцгой нөхцөлд ажиллах бэлэн байнгын төлөвлөгөө бий. Удирдлага, зохион байгуулалтын талаас хийх ажил, ажилтан албан хаагчдын гүйцэтгэх үүрэг, хариуцлагыг нарийн заасан байдаг” гэлээ.

”