“Сүү боловсруулах үйлдвэр, цехэд стандарт техникийн зохицуулалтын шаардлагад нийцсэн малын шингэн сүүг нийлүүлсэн малчин, эрчимжсэн мал аж ахуй эрхлэгчдэд мөнгөн урамшуулал олгох журам”-ын сургалт саяхан Орхон аймагт болсон. Хүнс, хөдөө аж ауй, хөнгөн үйлдвэрийн яам, Татварын ерөнхий газар, Малын удмын сангийн үндэсний төв, Орхон аймгийн Хүнс, хөдөө аж ахуйн газраас зохион байгуулсан сургалтад Баян-Өндөр сумын хэмжээнд мал аж ахуй эрхэлж байгаа иргэн, фермерүүдийн төлөөлөл 50 гаруй хүн оролцсон. Энэ үеэр аймгийн Хүнс, хөдөө аж ахуйн газрынхан орон нутагт өрнөж байгаа “Соёлыг түгээе” аяныг дэмжин сурталчилж оролцогчдод гарын авлага тарааж байлаа.

Хэвлэлийнхэн бид ч ямар утга агуулгатай брошур вэ хэмээн сонирхтол малчид, фермерүүдэд хандсан “Соёлыг түгээе” аяны хүрээнд хийж боловсруулсан тарааж өгөх материалууд байв.

Сонирхоод үзтэл “Хүмүүс чамайг буруугаар бодож байсан ч өөрөө зөв явахад болно- Соёлыг түгээе”, “Зөв хоололт гэдэг нь удаан наслахын үндэс- Соёлыг түгээе”, “Зөв харилцаа зөв хандлага- Соёлыг түгээе”, “Өгсөн үүрэг даалгаврыг ял биш өөрийгөө харуулах боломж гэж хүлээж авсан нь гялалздаг- Соёлыг түгээе” гэсэн уриа нь хэн хүнд нэгийг бодуулна.

Хүнс, хөдөө аж ахуйн газрын мэргэжилтэн “Бид үдээс хойш Жаргалант суманд үргэлжлэх сурталтынхаа үеэр малчдаа Соёлыг түгээе аянд хамруулах зорилгоор тэдэндээ тарааж өгнө. Малчид маань шинэ соргог юманд их дуртай, төр засгаас гаргаж байгаа аливаа нэг ажлыг хамгийн түрүүнд дэмждэг хүмүүс шүү” хэмээн тайлбарлах нь аймгийн хэмжээнд хэрэгжиж буй Соёлыг түгээе аян  малчны хотонд ч хүрч байгааг илтгэнэ. Аймгийн ЗДТГ, Хүнс хөдөө аж ахуйн газрынхан Соёлыг түгээе аянд идэвхтэй оролцож, соёлын цучлыг бага ч гэлтгүй малчны хотноо хүргэхээр ажиллаж байгаа нь илт харагдана. Аймгийн Хүнс, хөдөө аж ахуйн газрынхнаас Соёл харагдаад зогсохгүй, үнэртэж байна. Соёлыг түгээе.