Орхон аймгийн Орон нутгийн өмчийн газрынхан аймгийн Засаг даргын санаачилсан “Соёл түгээе” аяныг эхнээс нь дэмжин ажиллаж байгаа аж. Энэ удаад тэд иргэддээ хандан “Нийтийн өмчөө хайрлацгаая” уриалгыг эрдэнэтчүүддээ хүргэж байна.  

Аймаг, орон нутгийн төсвийн болон улсын төсвийн хөрөнгө оруулалтаар Эрдэнэт хотод хийж буй бүтээн байгуулалт жилээс жилд нэмэгдэж өнгө  орж байдаг. Хүүхдийн тоглоомын талбай, явган болон авто зам, мод бутны тарьц, суулгац гээд жил бүр өнгө нэмсэн бүтээн байгуулалт бий болдог. Гагцхүү Эрдэнэтчүүд бид нийтийн өмчөө хайрлах тал дээр учир дутагдалтай ханддаг нь нууц биш. Бидний тэрхүү хандлагыг өөрчлөхөд цучил нэмж Орон нутгийн өмчийн албаныхан “Нийтийн өмчөө хайрлацгаая”  уриалгыг гаргажээ.

Авто зам, хүүхдийн тоглоомын талбай, явган хүний зам гээд нийтийн гэсэн тодотголтой бүхэн эрдэнэтчүүд та бидний өмч. Тиймээс “Нийтийн өмчөө хайрлацгаая”  уриалгыг дэмжиж “Соёлыг түгээе” аянд нэгдээрэй.