Аймгийн хэмжээнд биш улс орон даяар “Аж ахуйн нэгж, байгууллага, хувиараа хөдөлмөр эрхлэгчид”-ийн нэгдсэн тооллого өрнөж байгаа. Арваннэгдүгээр сарын 1-нээс 31-нийг хүртэл үргэжлэх, Засгийн газрын тогтоолоотой энэхүү тооллогын ажлын явц манай аймагт хэрхэн өрнөж байгаа талаар Статистикийн хэлтсийн дарга С.Туул аймгийн засаг даргын шуурхайд мэдээлэл хийлээ.  Аймгийн ЗДТГ-ын Хууль эрх зүйн хэлтсийн дарга М.Мөнхбаярт хандан  “ ... нотариат, өмгөөллийн үйл ажиллагаа эрхэлдэг, хувиараа хөдөлмөр эрхлэгчдийг тоолоход хамтран  ажиллахыг хүсч байна. Учир нь нотариатч, өмгөөлөгч нар орлогоо нуудаг. Гэтэл заавал орлогын тоо хэрэгтэй байдаг. Тооллогчдыг маань хөөгөөд гаргаж байна. Энэ мэтийн хүндрэлтэй асуудлууд байгаа учраас Хууль эрх зүйн хэлтэс хамтран ажиллах шаардлагатай байна” гэлээ.

Манай аймаг нь бусад 21 аймгаа бодвол хамгийн олон аж ахуйн нэгжтэй ажээ.  

Аймгийн хэмжээнд  энэ удаагийн тооллогод 5410 ААН, байгууллагыг  хамруулахаар төлөвлжээ. Даваа гарагийн байдлаар хамрагдалт 32.1 хувьтай байна. Үүнээс гадна  1845 ААН, байгууллагатай холбоо тогтоож чадахгүй байна гэв. Тооллын мэдээллээ дутуу оруулсан таван байгууллага байна. Үүнд: “Аялгуу” соёлын төв, Прокурорын газар, Гэр бүлийн ордон, Эрдэнэт үйлдвэр, ЭБЦТС тооллогынхоо мэдээллийг дутуу оруулсан.

Харин тооллогод хамрагдаагүй төрийн байгууллагууд

- Тээвэр авто замын газар

- Орхон МСҮТ

- Эрдэнэт ШУТП ОНӨААТҮГ

- Хот байгуулалт барилга захиалагчийн алба

- Шуудан үйлчилгээний газар

- МЦХ ХК-ийн Орхон аймгийн холбооны газар

Цаашид Баян-Өндөр, Жаргалант сумын ЗДТГ тооллогчоор ажиллаж буй төрийн албан хаагчдыг үндсэн ажлаас нь цалинтай чөлөө олгох, тооллогод ажиллах нөхцлийг бүрдүүлэх.

Татварын хэлтэс, НДХ, УБХ, Баян-Өндөр, Жаргалант сумын ЗДТГ хаягандаа байхгүй, холбоо тогтоож чадахгүй байгаа ААН-ийг тодруулж, олж ажиллахад аймгийн Статитистикийн хэлтэстэй хамтарч ажиллах.

Аймгийн хууль эрх зүйн хэлтсийг нотариат, өмгөөллийн үйл ажиллагаа эрхэлдэг, хувиараа хөдөлмөр эрхлэгчдийг тоолоход хамтран  ажиллахыг хүсч байна. Учир нь нотариатч, өмгөөлөгч нар орлогоо нуудаг. Гэтэл заавал орлогын тоо хэрэгтэй байдаг. Тооллогчийг маань хөөгөөд гаргаж байна. Энэ мэтийн хүндрэлтэй асуудлууд байгаа учраас хууль эрх зүйн хэлтэс хамтран ажиллах шаардлагатай байгааг албан тушаалтнуудад дуулгалаа.