Манай аймгийн ойролцоох Булган аймгийн Бугат, Сэлэнгийн Баруунбүрэн сумдад малын гоц халдварт шүлхий өвчин гарч сүүлийн өдрүүдэд голомтын тоо нэмэгдэж байгаа билээ.  Ийм учраас аймгийн Шуурхай штаб хуралдаж дөрвөн зүйл, 10 арга хэмжээ бүхий төлөвлөгөө боловсруулжээ. Мөн Баян-Өндөр, Жаргалант сумын Мал эмнэлгийн тасаг, багийн ажлын албатай хамтран 45 малчин өрхөд идэвхтэй тандалт хийсэн байна. Мөн 8 мал эмнэлэг үйлчилгээний нэгжээр дамжуулан 242 малчин өрхөд идэвхгүй тандалтыг хийн шүлхий өвчнөөс урьдчилан сэргийлэх зөвлөмжийг малчдад хүргэн ажиллажээ. Мал эмнэлгийн газар, Цагдаагийн газар, сумдын ЗДТГ, Мал эмнэлгийн тасагтай хамтарсан хяналтын суурин пост гурав, хөдөлгөөнт эргүүл дөрөв, нийт 7 хяналтын цэг ажиллуулж байна. Жаргалант сумын ЗДТГ-аас Мал эмнэлгийн тасагтай хамтран шалгалт явуулахад 2 машин мах гарал үүслийн гэрчилгээгүй байсан тул буцаасан байна.

Иргэдийн өвлийн идшээ базаах, нөөцлах цаг болж байгаа тул иргэдэд зориулсан зөвлөмж гарган ажиллахыг холбогдох албаныханд аймгийн Засаг даргаас үүрэг болголоо.

Эрдэнэт хотын иргэн Дорж Булган аймгийн Могод сумаас өвлийн идшээ бэлтгэх бол ямар бичиг баримт бүрдүүлэх, зөвшөөрөл авахтай холбоотой мэдээллийг иргэдэд нээлттэй болгох талаар анхаарч ажиллахыг үүрэгдлээ.