Аймгийн ирэх 2022 оны төсвийн төсөлд Төсөвт байгууллагын өөрийн орлогыг ингэж тооцжээ.

*** Орон нутгийн Өмчийн газар 55.9 сая төгрөг

*** Байгаль орчин, аялал жуулчлалын газар 1.5 сая төгрөг

*** Сум дундын ойн анги 5 сая төгрөгийн орлого аймгийн төсөвт төвлөрүүлэх юм байна.

Байгаль орчин, аялал жуулчлалын яамны харьяа Байгаль орчин, аялал жуулчлалын газар ирэх онд дөнгөж 1.5 сая төгрөг төсөвт төвлөрүүлэх нь. Дээр нь Сум дундын ойн анги 5 сая төгрөг олох үүрэг хүлээх нь бололтой. Орхон аймгийн БОАЖГ  жилдээ дөнгөж 1.5 сая төгрөгийн орлого төвлөрүүлэх үүрэг хүлээж байгаа нь иргэдэд ойлгомжгүй санагдаж байна. Монгол улсын Засгийн газраас ирэх онд Аялал жуулчлалыг хөгжүүлнэ, гадаадын зочдыг ирэхэд үзүүлэх үзмэртэй байлгана гээд “Богд Зонхов”-ын хөшөөг 32 тэрбум төгрөгөөр босгоод түүнээсээ хэд дахин өндөр ашгийг гадаадын жуулчдаас олно гээд төсөвт тооцсон. Манай аймагт ч “Богд Зонхов” нь байг гэхэд бурхан Багшийн сэрэг дүр гээд түүнээс дутуугүй бүтээн байгуулалт бий. Бурхан багшийн сэрэг дүрийг гадны жуулчин гийчдийг үзүүлж харуулж байгаад Байгаль орчин, аялал жуулчлалын газар ядаж 15 сая төгрөг олж болохгүй юм уу. Эсвэл Эрдэнэтэд ирэх жил маш бага тооны гадны жуулчин ирэх тооцоог дээрх байгууллага хийгээд олох орлогоо 1.5 сая гээд тооцсон байх уу. Энэ хоёр байгууллагын зардлыг Зарлагын төсвийн төсөл дээр ингэж тодорхойлсон байна. Ирэх 2022 онд Байгаль орчин, аялал жуулчлалын газрын зардалд 233.3 сая төгрөг, Сум дундын ойн ангийн зардалд 226.4 сая төгрөг зарцуулах гэнэ.