Орхон аймгийн МАН-ын 17-р бага хурал өнөөдөр боллоо. Энэ хурлаар Орхон аймгийн МАН-ын хороон дарга, тэргүүлэгчдийг сонгох юм байна. Тус нам 30 дахь их хурлаараа авлигал албан тушаалын гэмт хэрэгтнүүдийг албан тушаалд томилохгүй, хүний эрхийг дээдэлсэн нам болно хэмээн уриалсан юм. Энэ утгаар аймгуудын намын хорооны хурлыг хийж эхэлжээ.

Аймгийн МАН-ын 17-р бага хурлаар тус намын хороон дарга, тэргүүлэгчдийн сонгох юм. Ман 30 дахь их хурлаараа албан тушаалын гэмт хэрэгт нэр холбогдсон бол энэ намаас аль ч шатны сонгуульд нэр дэвшүүлэхгүй байх зорилт тавьсан. Мөн хүний эрхийг зөрчсөн шинжтэй хууль эрх зүйн орчныг сайжруулахаар ажиллаж эхэлсэн гэх мэдээлийг өгч байна. Түүнчлэн намын анхан шатны байгууллагад ажилладаг төлөөлөгчдөө үе шаттайгаар дэвшүүлэн дэмждэг байх, ингэснээр иргэдийн үг, үзэл бодлыг сонсох чадамжтай нам болно гэж ярьж байна.

Орхон аймгийн МАН-ын хороон даргаар өнгөрсөн 4 жилд тус аймгийн Засаг дарга байсан одоо УИХ-н гишүүн  Д.Батлут ажиллаж ирсэн. Энэ удаагийн 17-р бага хуралд түүнийг үргэлжлүүлэн сонгох саналыг МАН-ын удирдах зөвлөл хуралдаж дэмжжээ.

Орхон аймаг өнгөрсөн хугацаанд аймаг орон нутгаа хөгжүүлэх ажлыг зохион байгуулжээ. Өнгөрсөн хоёр жилийн хугацаанд коронавирусийн халдварын улмаас аймгийн тухайн жилийн ажил 80,6 хувьтай биелсэн байна.  Тус аймгийн эдийн засаг нийгмийн өнөөгийн байдлаас танилцуулвал,  2021 онд аж үйлдвэрийн салбар 3,7 их наяд төгрөгийн бүтээгдэхүүн үйлдвэрлэж, 3,9 их наяд төгрөгийн бүтээгдэхүүн борлуулжээ. Энэ нь өмнөх оныхоос өссөн үзүүлэлт юм байна. Нийт 2058 ажлын байр шинээр бий болсны 14,4 хувь нь боловсруулах үйлдвэрийн салбарт,  мөн 11.4 хувь нь уул уурхайн олборлолтын салбарт байжээ.

Орхон аймаг Эрдэнэт үйлдвэр болон бусад уул уурхайн боловсруулах үйлдвэрийг түшиглэн хөгжиж байгаа аймаг. Өнгөрсөн онд тус аймгийн орлого 29,8 тэрбум төгрөгт хүрсэн бол татварын орлого 11,5 хувиар давуулан биелүүлжээ.