“Эрдэнэт хотын өнөөгийн байдал, цаашдын хөгжлийн чиг хандлага” сэдвээр аймгийн Засаг дарга С.Батжаргал   “Дахин төлөвлөн барилгажуулах, дэд бүтэцжүүлэх төслүүд 2022” улсын анхдугаар зөвлөгөөнд илтгэл тавьсан юм.

Орхон аймгийн хувьд газар нутгийн хэмжээгээр бусад аймгуудаас хамгийн бага нутаг дэвсгэртэй. Гэсэн хэдий ч Монгол улсын эдийн засагт оруулж буй хувь нэмрээр бусдыгаа итгэл төгс тэргүүлдэг, уул уурхай дагасан томоохон хот. Манай аймгийн хувьд 84.5 мянган га нутагт 107 мянга 634 иргэн эв найртай амьдарч байна. Орхон аймгийн газар нутаг нь Монгол орны нийт газар нутгийн 0.054-ийг эзэлдэг. Харин хүн амын хувьд дээр 107.6 мянган иргэн нь Монгол улсын хүн амын 3.5 хувийг эзэлж байна.

Монгол улсын нийт хүн амын талаас илүү хувь нь амьдардаг Улаанбаатар хотод 1 шоо дөрвөлжин метр газарт 3.03 хүн ноогддог. Тэгвэл манай аймгийн хувьд 1 ам метр талбайд 4.26 хүн амьдарч байна.

Энэ мэт учир шалтгааны улмаас, Эрдэнэт хотын цаашдын 40 жилийн хэтийн төлөвийн  хүрээнд өнөөдөр Дахин төлөвлөн барилгажуулах, дэд бүтэцжүүлэх төслийг зайлшгүй  хийх болсон талаар Засаг дарга илтгэлдээ дурдсан юм.