Аймгийн Засаг даргын шуурхай дээр амралтын өдрүүдээр хотын хэмжээнд их цэвэрлэгээ хийж, хур хогноосоо салах тухай яригдсан. “Саалиа бэлдэхээр саваа бэлд” гэдэгчлэн “субботник” хийх гэж байгаа бол ачиж зөөвөрлөх техник хэрэгслээ бэлдээгүй байсан учраас хог ачилт амралтын өдрүүд болтол хойшилсон ажээ. Аргагүйн эрхэнд аймгийн Засаг даргын орлогч М.Түмэнжаргал “Цэвэрлэсэн хогоо ачих техникээ бэлдээгүй байж хог цэвэрлээд ямар ч нэмэргүй. Цэвэрлэсэн хог нь эргээд хог болно.  Зохион байгуулалтыг сайн хангаж, цэвэрлэгээг далайцтай хийх ёстой. Баян-Өндөр сумын Засаг дарга Б.Баасансүрэнд хог ачих, татах техникийн судалгаа гаргаж өгөхийг үүрэг болгож байна” гэлээ.