Аймгийн ХАА-н салбарын 2022-2023 оны өвөлжилтийн бэлтгэл хангах арга хэмжээний төлөвлөгөө батлах тухай асуудлыг йамгйин ХАА-н газрын дарга Д.Бат-Өлзий танилцуулж, ИТХ-ын Зөвлөлийн хуралдаанаар сонсч тавдугаар сарын 3-нд болох нэгдсэн хуралдаанд оруулахаар тогтов. Аймгийн ИТХ-ын тэргүүлэгчдийн 2021 оны 12 дугаар тогтоолоор аймгийн Хөдөө аж ахуйн салбарын 2021-2022 оны өвөлжилтийн бэлтгэл хангах ажлын төлөвлөгөөг баталсан байна. Төлөвлөгөөнд мал аж ахуйн чиглэлэрээ 16, газар тариалангийн чиглэлээр 14, мал эмнэлгийн чиглэлээр 5, хүнсний чиглэлээр 1 нийт 36 арга хэмжээг тусган хэрэгжүүлж гүйцэтгэл нь 97.7 хувиар хангагдсан байна.  Өнөөдрийн байдлаар аймгийн хэмжээнд 2 сумын 25 багийн 1273 малчин, мал бүхий өрхөд 154.5 мянган толгой мал хаваржиж байна. Аймгийн хэмжээнд 275 тн өвс, 53.9 тн тэжээл бэлтгэж аюулгүйн нөөцийг 100 хувь бүрдүүлэн ажиллажээ. Малын онд оронт 99.8 хувьай байна. Аймгийн хэмжээнд 68 мянган толгой эх мал төллөхөөс энэ сарын 21-ний байдлаар нийт төллөх эх малын 71.3 хувь буюу 48.5 мянган толгой мал төллөжээ. Бог малын 80.7, бод малын 41 хувь нь төлөөд байгаа аж. Хаваржилтын нөхцөл байдал хэвийн, тогтвортой байгаа учир төл бойжилт 99.4 хувьтай байна.

Өнгөрөгч 2021 онд аймгийн хэмжээнд 5316 га талбайд ургац хураалт хийж, 100 хувь хурааж авчээ. Үүнээс үр тариа 4084 га талбайгаас 13485 тонн буюу га-гаас 33 цн ургац хураан авчээ. 521 га-д тэжээлийн ургамал тариалж 1992 тонн буюу га-гаас 38 цн ургац авсан байна. 319 га-д төмс тарьж 3216.4 тн, га-гаас 101 цн ургац авсан. Мөн 393.6 га-д хүнсний ногоо тариалж 5789 тонн буюу га-гаас 147 цн ургац хураажээ. Аймгийн хэмжээнд үр тарианы үйлдвэрлэл эрхлэгч 2 аж ахуйн нэгж буудайн үр үржүүлэх тусгай зөвшөөрөл авч ажилласан. Үүний үр дүнд 5474 үр үйлдвэрлэжээ. Нийт үрийн 1329 тонныг өөрийн үрийн нөөцөнд, 330 тонныг улсын үрийн нөөцөнд, ХАА-г дэмжих сангийн үрийн нөөцөнд 3815 тонн, Үндэсний гурилын үйлдвэрүүдэд 6232 тонн үр тариа тушаажээ.

Аймгийн хүн амын 2022 оын хаврын улирлын хэрэгцээнд 150 тонн махыг бэлтгэн хадгалж, худалдаанд нийлүүлэх гэрээг аймгийн ЗДТГ-аас “Эрдэнэт мах маркет” махны үйлдвэртэй байгуулсан байна. Нөөцийн махыг гуравдугаар сарын 15-ны өдрөөс эхлэн худалдаанд гаргаж ангилан савласан 1 кг үхрийн мах 7800, хонины мах 6800, ямааны мах 5800 төгрөгөөр борлуулж эхэлсэн. Аймгийн хэмжээнд 31 цэгээр борлуулж байгаа, дөрөвдүгээр сарын 8-ны байдлаар 26 тонныг борлуулсан байна.