Аймгийн ИТХ-ын ээлжит IX хуралдаанаар “Түгээмэл тархацтай ашигт малтмалын хайгуулын тусгай зөвшөөрөл хүссэн аж ахуйн нэгжийн хүсэлтийг хэлэлцэх тухай” асуудлыг авч шийдвэрлэжээ. “Эрдэнийн цавчир уул” ХХК, “Дайрга уул” ХХК-иуд Орхон аймгийн Баян-Өндөр сумын нутаг Залаат ууланд хайрга, дайрганы хайгуул хийх зөвшөөрөл олгох хүсэлтийг холбогдох яам, байгууллагад гаргажээ. “Эрдэнийн цавчир уул” ХХК нь залаат ууланд 38.64 га-д хайгуулах хийх хүсэлт гаргасаныг Ашигт малтмал, газрын тосны газрын Геологи, уул уурхайн кадастрийн хэлтсийн 2022 оны 3 дугаар сарын 17-ны өдрийн 8/1491 тоот дугаартай хайгуулын зөвшөөрөл олгох боломжтой гэсэн хариуг өгчээ. Харин “Дайрга уул” ХХК мөн Залаат ууланд 139.13 га газарт дээрх газрын Геологи, уул уурхайн кадастрын хэлтсийн 2022 оны 2 пдугаар сарын 11-ний өдрийн 8/769 дугаартай албан тоотоор хайгуулын тусгай зөвшөөрөл олгох боломжтой гэж дүгнэсэн байна. Энэхүү дүгнэлтийг аймгийн ИТХ-ын хуралдаанд оруулж танилцуулснаар дээрх 2 аж ахуйн нэгж Залаат уулын Залаатын аманд хайгуулын тусгай зөвшөөрөл эзэмшиж, хайгуул хийх боломжтой болох юм.

 Хайгуулын тусгай зөвшөөрөлтэй  түгэмээл тархацтай ашигт малтмалын хайгуулын хийх аж ахуйн нэгж нь нэг удаадаа тэмдэгтийн хураамжийн улсын төсөвт төвлөрүүлдэг байна. Мөн хамгийн багадаа 25-аас 400 хүртэлх га талбайд зөвхөн нэг удаа хйагуул хийх зөвшөөрлийг холбогдох байгууллагаас олгодог ажээ. Манай аймгийн хэмжээнд түгээмэл тархацтай ашигт малтмал ховор байдаг учраас энэ чиглэлийн тусгай зөвшөөрөл эзэмшигч аж ахуйн нэгжийг бодлогоор дэмжих шаардлагтай гэдгийг аймгийн ИТХ-ын төлөөлөгчид онцолж байлаа. Урин дулааны цаг ирж бүтээн байгуулалтын ажил эхлэх энэ цаг үед баирлгын компаниуд зөвхөн Дархан хотоос элс, хайрга, дайрга худалдан авахад сард 80-100 сая төгрөгийг зарцуулдаг байна.

Өнөөдрийн байдлаар манай аймгийн хэмжээнд “Очир төв” ХХКийн болон “Төгөл” группын “Дэлт толгойн орд” коспаниуд хайрга, дайрганы олборлолт явуулдаг байна.