Тавдугаар сарын 13-наас 15-ны хооронд аймгийн хэмжээнд хаврын мод тарилтыг зохион байгуулсан. Гурван өдрийн хугацаанд аймгийн хэмжээнд 53865 ширхэг мод тарьсныг аймгийн БОАЖГ-ын дарга С.Жаргалсайхан Засаг даргын шуурхайд танилцуулав.
Баян-Өндөр сум 44.7 мянган мод тарьсан бол Жаргалантчууд 9150 ширхэг мод тарьжээ. Мөн аймгийн Засаг даргын санаачлагаар “Гэр бүлийн төгөл”-д 2500 ширхэг мод суулгаж шинээр төгөл байгуулж буй. Одоогийн байдлаар “Гэр бүлийн төгөл”-д 402 ширхэг мод тарьсан, үлдсэн 2100 модыг дахин тарих шаардлагатай тул байгууллага аж ахуйн нэгжүүдийг оролцуулж тариулах саналыг ажлын хэсгийн хурал дээр шийдвэрлүүлэх юм байна. Мод тарих нэг хэрэг тарьсан модоо ургуулахын тулд аймгийн хэмжээнд “Арчилъя- Ургуулъя” аян зохион байгуулан ажиллаж байна.
Өнгөрөгч 2021 онд Бүх нийтээр мод тарих аянаар Орхончууд 153 мянган 487 мод тарьжээ. Мөн ойн нөхөн сэргээлтээр 75 мянган мод тарьсан нь улсын хэмжээнд түрүүлсэн үзүүлэлт болсон юм. Өнгөрсөн онд тарьсан модны дундаж ургалт 83 хувьтай байсан нь бусад аймгаас харьцангуй өндөр үзүүлэлт болжээ.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ErdenetNews.mn хариуцлага хүлээхгүй.