“Эрүүл мэндийн үйлчилгээг хөгжлийн бэрхшээлтэй иргэнд хүртээмжтэй байлгах ДЭМБ-ын аргачлал”-аар Тэгш дүүрэн хорооноос Орхон аймгийн өрхийн эрүүл мэндийн төвүүдийг дарга, их эмч нарт зориулсан сургалт эхэллээ. 

     “Эрүүл мэндийн үйлчилгээг хөгжлийн бэрхшээлтэй иргэнд хүртээмжтэй байлгах ДЭМБ-ын аргачлал” нь Тогтвортой Хөгжлийн Зорилт (ТХЗ) 3-ийн хүрээнд бүх нийтийн эрүүл мэнд, сайн сайхан байдлын төлөө болон хөгжлийн бэрхшээлтэй хүмүүс эрүүл мэндийн тусламж үйлчилгээг бусадтай адил тэгш авах эрхийн хүрээнд хийгдсэн бөгөөд эрүүл мэндийн бодлого тодорхойлогч, эрүүл мэндийн байгууллагын менежерүүд болон ажилтнуудад хөгжлийн бэрхшээлтэй иргэдийн эрүүл мэндийн тусламж үйлчилгээнд тулгарч буй гол бэрхшээлүүдийг олж илрүүлэх, шийдвэрлэх тал дээр туслах хяналтын хуудас, зөвлөмжийг дотроо багтаажээ. 
     ДЭМБ-ын түншлэлийн хүрээнд Австралийн Носсал институтээс хөгжлийн бэрхшээлтэй иргэнд хүртээмжтэй эрүүл мэндийн үйлчилгээ цуврал сургалтын багцыг боловсруулж, дэлхийн эрүүл мэндийн үйлчилгээнд хөгжлийн бэрхшээлтэй иргэдийг хамруулахад ашиглагдаж буй хамгийн сайн арга барил дээр үндэслэн боловсруулжээ. 
    Тус сургагч багш бэлтгэх сургалтыг ЭМЯ-ны санаачлагаар ДЭМБ-ын санхүүжилтээр АИФО байгууллага, Анагаахын шинжлэх ухааны үндэсний их сургууль, Эрүүл мэндийн хөгжлийн төв, Бие бялдар сэргээн засах судлалын монголын нийгэмлэг хамтран зохион байгуулсан бөгөөд манай аймгаас  Тэгш дүүрэн хорооны 2 эмч  эхний шатны сургалтанд хамрагдсан. 
      Сургалтаас хүлээгдэж буй үр дүн нь эрүүл мэндийн ажилтнуудын эрүүл мэндийн тусламж, үйлчилгээнд хөгжлийн бэрхшээлтэй хүмүүсийг хамруулах талаарх мэдлэг, ур чадварыг нэмэгдүүлэх, эрүүл мэндийн тогтолцоонд тусламж, үйлчилгээ, хөтөлбөрийг бүх нийтэд хүртээмжтэй болгох тал дээр дэмжлэг үзүүлэх зорилготой юм.