“Эрдэнэт үйлдвэр”- ТӨҮГ-ын “Авто тээврийн” цехийн Залуучуудын холбоо санаачлан, Хүний нөөцийн хамт олонтой хамтран “Дэлхийн олон улсын гэр бүлийн” өдөр, “Олон улсын хүүхдийн эрхийг хамгаалах өдөр”-ийг тохиолдуулан цехийн ажилчидын  12 дугаар ангиа төгсөж байгаа хүүхдүүдийг аав ээжийнхээ ажилтай нь танилцах аялалыг анх удаа зохион байгууллаа.

Авто тээврийн цехэд 860 гаруй ажилтан ажилладаг аж. Тэдгээрийн 1300 гаруй хүүхдээс төгсөх ангийн сурагчдыг энэ удаад онцолжээ. Танилцах, аялалын ажиллагаанд “Амжилтын хөтөч” дэвтэр дээр эцэг эхчүүд, сэтгэлийн үгээ бичиж дурсгасан юм. Мөн Харилцааны ухааны доктор, сэтгэл зүйч н.Алтанцоож багш сурагчдад “Бидний бахархал” сэдэвтэй сургалт зохион байгуулж сэтгэлзүйн талаар сонирхолтой мэдээлэл хүргэлээ. Танилцах аялалын талаар хүүхдүүд сэтгэл хангалуун байгаагаа илэрхийллээ.

Хүүхдүүд “Эрдэнэт үйлдвэр”-ийн машин механизын талаар үзэж сонирхохын зэрэгцээ, болон эцэг эх нь хэр хүнд нөхцөлд ажилладаг талаар танилцаж мөн  гэр бүлтэйгээ нэг өдрийг өнгөрүүллээ. Цехийн залуучуудын холбооны удирдлагын зүгээс цаашид жил бүр энэхүү үйл ажиллагааг зохион байгуулна гэдгээ хэллээ.