“Дахин төлөвлөн барилгажуулах, дэд бүтэцжүүлэх төслүүд 2022 улсын анхдугаар зөвлөгөөн”-д оролцож, Барилга хот байгуулалтын яамны мэргэжилтний тавьсан илтгэлээс сэтгүүлч хүний хувьд нэг зүйлийг илт анхаарч ажигласан юм. Байшин, барилга бариад байдаг худалдан авагч байхгүй бол яах вэ гэдэг асуулт аяндаа гарч ирдэг. Энэ тал дээр төр засаг ч Төсөл хэрэгжүүлэгч байгууллага төдийгүй барилгын компаниуд тодорхой чиглэлээр зорилтот судалгааг явуулдаг байна, цаана чинь.  Бүр “Орон нутгийн иргэдийн худалдан авах чадварын үзүүлэлт” гэгч судалгааг аймаг, сум бүрээр гаргаж эхний 33 байрыг нь Зөвлөгөөнд оролцогчдод танилцуулсан. 

“Орон нутгийн иргэдийн худалдан авах чадварын үзүүлэлт”-ийг гаргахдаа судалгааны байгууллага, мэргэжилтнүүд дараахь шалгуур үзүүлэлтүүдийг гол болгожээ. Үүнд,

*** Орон нутаг дахь банкны хүртээмж, үйлчилгээ

*** Нэг хүнд ноогдох хадгаламжийн хэмжээ

*** Ажиллах хүчний байдал

*** Нэг хүнд хоогдох ДНБ

*** Хүн амын өсөлт зэргийг харгалзан үздэг байна. Ингээд эцэст нь “Орон нутгийн иргэдийн худалдан авах чадварын үзүүлэлт”-ийг гаргаж ирэхэд аймгуудаас Орхон илт илүүрхсэн байна. Манай аймгийн араас Дархан-Уул, Өмнөговь, Дорнод, Дорноговь, Архангай, Увс, Сүхбаатар, Баян-Өлгий, Хөвсгөл, Өвөрхангай, Баянхонгор, Дундговь, Хэнтий, Ховд, Сэлэнгэ, Завхан, Төв, Говьсүмбэр, Булган гээд л хөвөрч.

Бүр цаашилбал, дээрх судалгаагаар аймгуудын сумдын жагсаалтыг ч нарийвчлан гаргасан байна. Сумдаас Орхон аймгийн Баян-Өндөр сум тэргүүн эгнээнд бичигджээ. Араас нь Дархан-Уул аймгийн Дархан сум болон Өмнөговийн Ханбогд, Цогтцэций, Даланзадгад, Дорнодын Хэрлэн сум гээд хөвөрнө. Нгэ үгээр хэлбэл Орхон аймаг Орон нутгийн иргэдийн худалдан авах чадварын үзүүлэлтээр 3.71 гэсэн индекст хүрч тэргүүлсэн бол Дархан-Уул аймгийн Дархан сум 2.85-аар хоёрдугаарт орсон байна. Харин гуравдугаарт 2.75 индексийн үзүүлэлтээр Өмнөговийн ханбогд оржээ.

Ийм судалгааг хийснээр Төсөл хэрэгжүүлэгч болон Хувийн хэвшлийнхэнд  мэдээлэл бодит байдлаар хүрч түүний үр дүнд төрийн бодлого төдийгүй