Ингэж хэлэх эрх надад байна. Яагаад гэж үү, Баян-Өндөр сумын Говил багт “Ашиглалтын шаардлага хангахгүй барилга, байгууламжийг буулган шинээр барих” нэртэй төсөл аль хэдийнэ гараанаас гарсан учраас тэр.  Дахин төлөвлөлтийн хүрээнд хийгдэх ажлын объёмоороо ч тэр гарах үр дүн талаасаа ч Говил багт хйигдэх ажил 22.6 га талбайг хамарна. Нэрийн хувьд “Ашиглалтын шаардлага хангахгүй барилга, байгууламжийг буулган шинээр барих” төсөл олны анхаарлын төвд байна.

Эрдэнэт хот 46 жилийн түүхтэй. Цаг хугацааны энэ талаас нь аваад үзвэл Эрдэнэт хот, Эрдэнэт үйлдвэрийг бүтээн байгуулахаар Илгээлт өвөрлөн ирж байсан анхдагчид өнөөгийн Говил багийн нутаг дэвсгэрт суурьшин, ажил амьдралын гараагаа эхэлж байсан түүхтэй. Тиймээс Эрдэнэтчүүдийн хувьд Говилд Дахин төлөвлөлтийн хүрээнд барилгажилтын ажил өрнүүлэхэд “Уухай, яг зөв”, “Нүдээ олсон газар, ажил мөн байна” л гэж уулга алдана.

 Говил багийн нутагт “Ашиглалтын шаардлага хангахгүй барилга, байгууламжийг буулган шинээр барих” тухай аймгийн ИТХ-ын 76 тоот тогтоол 2021 оны есдүгээр сарын 15-ны өдөр гарсан байдаг. Тогтоолд “Говил багийн Дэнж, Хонхорын хэсэгт байгаа Ашиглалтын шаардлага хангахгүй 20 байрыг буулган шинээр барих” тухйа заасан байдаг. Аймаг, орон нутгийн зүгээс дээрх нэр бүхий байршилд хэсэгчилсэн ерөнхий төлөвлөгөө хийгээгүй байгааг онцолж дахин төлөвлөхөөр төлөвлөж байгаа нь Говил багийн иргэдийг “Гоё хотхон”-д амьдрах итгэл нйадьарын төрүүлээд байгаа юм.

Мөн л аймаг, орон нутгийн төр захиргааны байгууллагын зүгээс Говил багийн иргэдтэй уулзаж, тэдний санал хүсэлтийг сонсчээ. Хот байгуулалт, барилга захиалагчийн албанаас тус байршлын иргэдэд мэдээлэл, зөвлөгөө өгч, төслийн танилцуулгыг ч хийсэн байна. Хот байгуулалт барилга захиалагчийн алба ОНӨААТҮГ-ын Орон сууцны хэсгээс гаргасан судалгаагаар тухайн байршилд ашиглалтын шаардлага хангахгүй 23 байшин, хашаа байшин 20, аж ахуйн нэгж, байгууллага 12 байгааг тогтоосон байна. Ашиглалтын шаардлага хангахгүй байгаа 23 байшингийн 147 айл, өрх судалгаанд хамрагджээ. Тэдгээрийн 122 айл, өрх дахин төлөвлөлтийг дэмжсэн байна. Харин үлдсэн айл, өрх дэмжихгүй буйгаа илэрхийлсэн аж. Новил багийн Дэнж, Хонхорын хэсэгт хийх дахин төлөвлөлтийн ажил нь өөрийн гэсэн өвөрмөц онцлогтой тул мэргэжлийн байгууллага дараахь ажлыг төлөвлөжээ. Үүнд, эхний ээлжинд  Дахин төлөвлөлтөд хамрагдсан айл өрхийн байршуулах Түр суурших байр барих аж. Ингэхийн тулд Түр суурьшуулах 52 айлын орон сууцны байршлын схемийг гаргаад байна. Мөн Хэсэгчилсэн ерөнхий төлөвлөгөөг боловсруулахаар ажиллаж байна.