Аймгийн ЗДТГ-ын Орон нутгийн өмчийн газраас орон нутгийн өмчид бүртгэлтэй ч ашиглагдахгүй байгаа барилга, байгууламжийн судалгааг гаргаад байгаа. Үүний дагуу аймгийн Засаг даргын орлогч А.Түвшинжаргалаар ахлуулсан ажлын хэсэг судалгаа хийн, санал дүгнэлт боловсруулан аймгийн Засаг даргын Зөвлөлд оруулах үүрэг хүлээгээд байсан юм. А.Түвшинжаргал даргатай Ажлын хэсгийнхэн аймгийн Засаг даргын Зөвлөлийн хуралд саналаа танилцууллаа.

Аймгийн хэмжээнд нийт орон нутгийн өмчид бүртгэлтэй, ашиглагдахгүй байгаа 16 барилга байгууламж байна. Тэдгээрийн 4 барилгын газар нь цаашид инженерийн шугам, сүлжээнд холбогдох боломжтой тул тэднийг акталж газар дээр нь 8-9 давхар орон сууц барих боломжтой гэсэн дүгнэлтийг ажлын хэсгийнхэн аймгийн Засаг даргын Зөвлөлд танилцуулав. Мөн “Учралт баяр” ӨЭМТ-ийн хуучин байр, Рашаант багийн хуучин байр, Наран, Цагаанчулуут багийн хуучин байр, 18 дугаар цэцэрлэгийн хуучин барилга зэрэг 4 байршилд одоо явуулж байгаа үйл ажиллагааг хэвээр үлдээхээр болжээ. Учир нь дээрх газруудад хувийн хэвшлийн байгууллагууд түрээсийн журмаар үйл ажиллагаа явуулж төсөвт орлого төвлөрүүлдэг тул хувийн хэвүлээ дэмжих нь зөв гэж Ажлын хэсэг ч Засаг даргын Зөвлөлийн гишүүд дэмждээ. 

Харин үлдсэн 8 байршилд байгаа орон нутгийн өмчид бүртгэлтэй ч ашиглагдахгүй байгаа байгууламжийг дуудлага худалдаа явуулж худалдан борлуулах саналыг Ажлын хэсгээс гаргаад байсан. Аймгийн Засаг даргын зөвлөлийн гишүүд ажлын хэсгийн саналыг дэмжиж асуудлыг аймгийн ИТХ-ын хуралдаанд бэлтгэн оруулахыг аймгийн Засаг даргын зөвлөлөөс Орно нутгийн өмчийн газарт үүрэг болгосон байна.