“Эрдэнэт цогцолбор” дээд сургуулийн дэргэд Олон улсын жишигт нийцсэн Гагнуурын мэргэжлийн төв нээгдсэн. Улмаар тус төвд Олон улсын магадлан итгэмжлжл олгох Герман улсын аудитор ажиллаж батламжийг нь гардуулсан юм. Энэ үеэр “Эрдэнэт цогцолбор” дээд сургуулийн захирал Д.Зоригтхүүгээс гагнуурын төвийн талаар тодрууллаа.

-Гагнуурын мэргэжлийн төвэй болох Герман ултай хамтарн хэрэгжүүлсэн энэ удаагийн төслийн онулог юу байв. Төсөл хэзээ эхэлсэн бэ?

-  Германы олон улсын хамтын ажиллагааны нийгэмлэг буюу /GIZ/ -тэй хамтран хэрэгжүүлсэн энэ удаагийн төсөл уг нь 2019 онд эхэлсэн, Ковид, цар тахлын нөхцөл байдлаас шалтгаалан өнөөг хүрсэн. Төслийн эхний ээлж болох гагнуурын төвийг байгуулах ажил хавар дуусч хүлээн авсан. Өнөөдөр Герман улсаас гагнуурын төвийн мэргэжлийн аудитор ирж манай гагнуурын сургалтын төв Олон улсын стандартад нийцэж байгаа эсэхийг шалгаж байна. Шалгалдыг дүнгээр манай Гагнуурын сургалтын төв олон улсад хүлээн зөвшөөрөгдсөн сургалтын хөтөлбөрийг  Олон улсын ISO 9606 стандарын дагуу явуулах юм. Ингэснээр олон улсад хүлээн зөвшөөрөгдсөн гагнуурчдыг бэлтгэх юм.

-Олон улсын зэрэгт хүрсэн, олон улсын стандартад нийцсэн Гагнуурын төв эхний элсэлтээ хэзээнээс авах вэ?

-Өнөөдөр бид олон улсын мэргэжлийн аудитороос батламжаа гардан авлаа. Арваннэгдүгээр сарын1-нээс элсэлтээ авахаар төлөвлөж байна. Олон улсын тавцанд гагнуурчин мэргэжлээр ажиллах хүсэлтэй хүмүүст манайх сургалт явуулна.

-Олон улсын тавцанд гарах гагнуурчны давуу тал нь юу байх вэ?

-Орос Хятадыг холбосон олон улсын хийн хоолой манай нутгаар дамжин өнгөрнө. Тэрхүү хийн хоолойг олон улсын эрхтэй гагнуурчин гагнар шаардлагатай байдаг. Тийм гагнуурчинг манай төвд бэлдэх юм. Нэг үгээр хэлбэл манай төвийг төгссөн гагнуурчин Олон улсад хүлээн зөвшөөрөгдсөн мэргэжлийн гагнуурчин болно. Манай Гагнуурын төв ч хийн хоолой зэрэг олон ажлын угтал болж хийгдэж байна. Төсөлд Германы Засгийн газрын Германы олон улсын хамтын ажиллагааны нийгэмлэг буюу /GIZ/, ХБНГУ-ын Шахтбау Нордхаузэн компани төслийг хэрэгжүүлэн ажиллалаа.

-Сургалтын төвд ажиллах сургагч багш нараа хэрхэн бэлдэв. Бас л өндөр шаардлага шалгуурыг хангасан байх ёстой юу?

-Энэ төвд нийт 5 сургагч байгш ажиллана. Эрдэнэт үйлдвэрээс мэргэжлийн 3, манай сургалтын төвийн 2 гагнуурчин багшийг бэлдсэн. Төсөл маань олон улсынх, тавигдах шаардлага нь Олон улсын стандарт учраас сургагч багшаа ч тэрхүү шаардлагын дагуу бэлдсэн. Олон улсад гарах мэргэжилтэнг бэлтгэдэг багш нар ч олон улсын аудиторын шаардлага, стандартыг хангасан байдаг учраас сургагч багш нараа ч ийм зарчмаар бэлдсэн. Сургалтын төвийнхөө 3 багшийг Герман улсад мэргэжлийг нь дээшлүүлсэн. Герман улсаас ч мэргэжилтэн багш ирж ажилласан. Герман, монгол багш нар Улаанбаатар хотод Герман-Монголын сургалтын төвд сургалтад хамрагдсан. Одоо манай төв дээр мэргэжлээ дээшлүүлэх гагнуурчдад герман мэргэжилтэн хичээл заана.

- Олон улсын жишигт нийцсэн ийм сургалтын төв манай улсад хэд байдаг вэ?

-Манай улсад хоёр байдаг. Нэг нь Герман Монголын сургалтын төвд нөгөөх нь манай сургууль дээр байна.

-Гагнуурчин залуус олон улсын тавцанд гаръя гээд хүсвэл хаана хандах вэ?

-Манай сургууль дээрх Гагнуурын сургалтын төвд хандаж болно. Эхний элсэлт ирэх сарын 1-нээс эхэлнэ. Сургалтын төлбөр нь 3,3 саяаас 3,8 сая төгрөг байна. Цахилгаан гануурч уу, хагас автомат гагнуур байх уу гэдгээрээ төлбөр ялгамжтай. Эхний нэг жил герман багш заана. Түүний дараагаас манай бэлтгэсэн 5 багш заана.

- Элсэгчдэд тавигдах шаардлага байх уу. Гагнуурын анхан шатны мэдлэггүй хүн хандаж болох уу. Эсвэл заавал гагнуурын анхны мэдэгдэхүүнтэй байх уу?

- Ер нь гагнуур хийдэг, гагнуурчнаар ажилладаг хүмүүст олон улсын зэрэг олгох сургалт зохион байгуулна. Цаашдаа манай төвийн төгсөгчдийг олон улсад гаргах зорилго агуулж байгаа. Нэн түрүүнд Герман улсад гагнуурчин мэргэжилтэй хүн ховордсон гэж үздэг. Олон улсын стандартын шаардлага хангасан, Герман улсын тоног төхөөрөмж дээр ажиллаж чаддаг гагнуурчныг Герман улсад гаргах зорилго агуулж байна. Төгсөгч маань ч герман хэлний анхан шатны мэдэгдэхүүнтэй, наряд даалгавраа герман хэлээр авах чадвар эзэмших юм. Ийм чадвартай гагнуурчин Герман улсад очиж ажиллах боломжтой болно.

-Энэ төвд нэг ээлжинд хэдэн хүн сургалтад хамрагдах боломжтой вэ?

-Эхний ээлжинд 15 хүн авна. Эхний мэргэжлээр 11, нөгөө төрлөөр нь 4 хүн элсэлтээр авна.

-Эрдэнэт хот ийм сайхан Гагнуурын төвтэй болсноор гагнуурчин залуус олон улсын тавцанд гарах боломмж нээлттйэ боллоо. Хэдий хэмжээний хөрөнгө оруулалт хийсэн бэ?

- Германы олон улсын хамтын ажиллагааны нийгэмлэг буюу /GIZ/-ээс нэг тэрбум гаруй төгрөгийн хөрөнгө оруулалт хийсэн. ХБНГУ-ын Шахтбау Нордхаузэн компаниас гагнуурын тоног төхөөрөмжийг нийлүүлсэн.