Аймгийн Засаг даргын шуурхай хуралдав. Шуурхайд Хотын захирагчийн албаны дарга С.Ганцогт цаг үеийн асуудлаар мэдээлэл хийлээ. Тэрбээр “Аймгийн хэмжээнд иргэдэд дулаан түгээдэг хоёрхон мэргэжлийн байгууллага байдаг. Эрдэнэтийн дулааны цахилгаан станц, Эрдэнэт Ус Дулаан түгээх сүлжээ ТӨҮГ. Өнгөрсөн 7 хоногт Дулаан хангамжийг сайжруулах чиглэлээр ажлын хэсэг гарч ажилласан. Иргэдээс ч санал, гомдол их ирсэн. Дээрх 2 мэргэжлийн байгууллагын нэг нь дулаан үйлдвэрлэдэг. Нөгөөх нь түгээдэг. Эрдэнэт усынхан айл өрхөөр дуудлагад очихдоо Дулааны цахилгаан станцын температур муу байгаа учраас танай халаалт ийм муу байна гэж хэлдэг, тайлбар өгдөгөө одоо больчих. Би танай байгууллагын Ерөнхий инженерт чинь хандаж хэлье.  Иргэдийн гэрт дулаан хангамж дутуу хүрч байгаа шалтаг, шалтгаан чинь танай байгууллагын дотоод асуудал шүү. Ажил хийвэл хий, хийж чадахгүй бол татвар төлөгчдын мөнгөөр битгий цалинж, иргэдийг битгий бухимдуул. Төрдөө гомдох хүмүүсийн тоог мянга түм болгож өсгөж байна та нар.  Асуудлыг шийдье, хамт явья гэхээр явахгүй. Амьдрал дээр асуудал байна шүү дээ” гэлээ.