Монголын бүх ард түмний өвлийн спортын XVI их наадам, Хүүхдийн спортын VII наадам Орхон аймаг Эрдэнэт хотноо 2023 оны хоёрдугар сарын 6-наас 13-ны өдөр болох юм. Энэ талаар зохион байгуулах хорооноос цаг үеийн мэдээлэл хүргэлээ. Аймгийн БТСХ-ны дарга, зохион байгуулах хорооны гишүүн Д.Дэлгэрбаяр “ Монголын бүх ард түмний спортын наадамд 17 аймаг, дүүргээс тамирчин, баг дасгалжуулагч оролцож байна. Харин Хүүхдийн спортын наадамд 19 аймаг, дүүргийн тамирчин оролцож байна. Тэмцээн өнөөдөр снөүбордын төрлөөр албан ёсоор эхэллээ.  Хүүхдийн наадамд 452 өсвөрийн тамирчин, насанд хүрэгчдийн спортын наадамд 277, нийтдээ 733 тамирчин оролцож байна.

Энэ удаагийн тамцээнд Орхон аймгаас  100, Булган аймгаас 45, Дархан-Уулаас 61, Өвөрхангайгаас 29, Сүхбаатар аймгаас 15 тамирчин, Сэлэнгэ аймгаас 41, Төв аймгаас 21, Увсаас 18, Ховдоос 6, Хөвсгөлөөс 78 тамирчин, Баянгол дүүргээс 35, БЗД 75, Чингэлтэйгээс 25, СБД 10 тамирчин, СХД 13 тамирчин, ХУД 38 тамирчин Багануураас 43 тамирчин оролцож байна.  Наадмын бэлтгэл 100 хувь хангагдсан гэж Зохион байгуулах хорооноос үзэж байгаа. Шорттрейк, гүйлтийн тэшүүрийн зам Цэнгэлдэх хүрээлэнд тавигдсан. Снөүборд, уулын цана, гүйлтийн цанын төрлүүд Сархиа цанын баазад болно. Орос 19 дүгээр сургуулийн хажуугийн талбайд шайбтай хоккейн тэмцээн болно. Тэмцээнд оролцох тамирчин бүр датгалд хамрагдаж байгаа” хэмээлээ.