Аймгийн ИТХ-ын Зөвлөлийн ээлжит 11 дүгээр хуралдаанаар “Орон нутгийн Өмчийн 2022 оны дүнг батлах тухай”  Орон нутгийн Өмчийн газрын дарга Л.Оюунгэрэлийн илтгэлийг авч хэлэлцсэн юм. Аймгийн хэмжээний Орон нутгийн өмчит байгууллагуудаас хамгийн томоохон нь Хот тохижуулах газар.

Хот тохижуулах газар нь хотын хэмжээний 1200 га талбай, нэрэмжит 15 гудамж, 3 талбай, орон сууцны 7 бичил хорооллын байр хоорондын талбай, хотын болон гэр хорооллын аво болон явган замын цэвэрлэгээ үйлчилгээг хариуцдаг байна. Мөн 1650 гаруй аж ахуйн нэгж, байгууллагын 21 багийн 24 мянган өрхийн ахуйн болон үйлчилгээний хог хаягдлыг ачиж тээвэрлэх, дарж устгах үйл ажиллагаа эрхэлдэг томоохон байгууллага. Тус газар нь Хүний нөөц төлөвлөлтийн, Үйлдвэрлэл үйлчилгээний, Санхүүгийн гэсэн 3 албатай ажилладаг. Үйлдвэрлэл үйлчилгээний алба нь Тээвэр аж ахуйн хэсэг, Зам талбайн цэвэрлэгээ, үйлчилгээний хэсэгтэй ажээ. Аймгийн орон нутгийн өмчийн газраас тус байгууллагын 2023 оны эхний хагас жилийн үйл ажиллагаанд үнэлэлт хийж дараах зөвлөмжийг өгчээ.

Үүнд, байгууллагын стратеги төлөвлөгөөний хэрэгжилтийг Засгийн газрын 2020 оны 216 дугаар тогтоол, Засгийн газрын Хэрэг эрхлэх газрын даргын 2020 оны 100 дугаар тушаалын 7 дугаар хавсралтын дагуу биелэлтийг бүрэн тайлагнах. Хоёрт, тайлангийн үг үсгийн алдаа, утга найруулгад анхаарах. Гуравт, тайлан мэдээг хугацаанд нь үнэн зөв ирүүлэхийг анхааруулжээ. Нийтдээ тус байгуулалгы үйл ажиллагаанд 64.4 хувьтай гэсэн үнэлгээ өгсөн байна.