Орхон аймгийн Орон нутгийн өмчийн байрны түрээсийн орлогын 2023 оны төлөвлөгөөний биелэлтийг аймгийн Засаг даргын Зөвлөлийн хурлаар хэлэлцлээ. Орон нутгийн өмчийн түрээсийн орлогыг шууд болон дам түрээсийн хэлбэрээр бүрдүүлдэг. Шууд түрээсийн орлогоор 15 төсвийн байгууллага сард 21.7 сая, жилд 260.6 сая төгрөг, нэг ТББ сард 864 мянган төгрөг, жилд 10,3 сая төгрөг төлдөг. Мөн таван ААН байгууллага сард 1.820.000 төгрөг, жилд 21.9 сая төгрөгөөр, “Баян-Өндөр хотхон”-ы орон сууцны 45 айл өрхийн түрээсийн төлбөр сард 7.5 сая, жилд 91.1 сая төгрөгийн түрээс төлж байна.
Орон нутгийн өмчийн байрны түрээсийн орлого сард 32 сая, жилд 384 сая төгрөгийн түрээсийн орлогын төлөвлөгөө батлагдсан. Энэ жил Мэргэжлийн хяналтын газар татан буугдсантай холбоотой төлөвлөгөөт орлогоос 49.7 сая төгрөгийг хасагджээ. Тухайн байрыг байгууллагуудад түрээсэлсэн. Мөн Худалдаа Аж үйлдвэрийн танхимын түрээсэлж байсан байрыг буцаан авч, Барилга Захиалагчийн албанд шилжүүлсэн. Үүний зэрэгцээ төсөвт байгууллагуудын түрээсийн орлогод 56.6 сая төгрөгийн өөрчлөлт ороод байгаа.
Аймгийн ИТХ-аас орон нутгийн өмчийн түрээсийн м.кв-ын үнийг тогтоодог. Ирэх оны түрээсийн төлөвлөгөөг батлахын тулд аймгийн ИТХ-аас хамгийн сүүлд буюу 2023 оны хоёрдугаар сарын 28-ны өдрийн тогтоолоор төсөвт байгууллагуудын түрээсийг 2024 оны нэгдүгээр сарын 1-нээс, аж ахуйн нэгжүүдийн түрээсийг тухайн батлагдсан өдрөөс эхлэн тооцохоор тогтсон байна.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ErdenetNews.mn хариуцлага хүлээхгүй.