Шанд, Хабитатын чиглэлд нийтийн тээврийн үйлчилгээ үзүүлж байсан “Буган орд” компанийн гэрээг цуцалж, тухайн чиглэлд ажиллах аж ахуйн нэгжийг шинээр шалгаруулах тендерийг зарласан. Энэ чиглэлд нийтийн тээврийн үйлчилгээ үзүүлэх шалгаруулалтад “Тод Од транс”, “Авто мастер”, “Голден бус”  гэсэн гурван компани төслөө ирүүлсэн байна. Аймгийн Засаг даргын шийдвэрээр байгуулсан ажлын хэсэг судлаж үзээд “Тод од транс” болон “Авто мастер төв”-ийн төслүүд иж бүрдэл бүрэн үнэлэхэд боломжтой төсөл байсан. “Голден бус” компанийн иж бүрдэл дутуу байсан учир үнэлээгүй байна. Ажлын хэсгийн дүгнэлтээр “Тод Од транс”, “Авто мастер” хоёр компаныг хоёуланг нь явуулахаар шийдэлд хүрсэн. “Тод Од транс” компанийн хувьд энэ сарын 10-наас туршилтаар шугаманд явуулж эхэлнэ. Ирэх долоо хоногт аймгийн Засаг даргын захирамж гарснаар албан ёсоор нийтийн тээврийн дээрх чиглэлд шинэ компаниуд ажиллаж эхэлнэ. Автобуснй үйлчилгээ хүлээлт багатай, цагийн давтамж нь ойрхон байх ёстой. Төсөлд тавьсан шаардлагын дагуу их ачааллын үед 5-10 минут, бусад үед 10-15 минутын хүлээлттэй байхаар тусгасан. Их ачааллын үе нь 17-00 цаг болон 21-00 цагуудад ачаалал их үүсдэг гэж үзжээ. Ингэснээр зорчигчдод хүлээлт үүсгэхгүй байх юм. Ажлын хэсгийн гишүүд Шанд, Хабитатын чиглэлд нэг компани нийтийн тээврийн үйлчилгээ үзүүлэхэд иргэдэд хүрч үйлчилж чадахгүй байгаа тул хоёр ААН-ийг шалгаруулах нь зүйтэй гэж үзсэн тул маршрутыг шинээр батлах ажлыг зохион байгуулсан байна. [sgmb id="1"]