Эрх чөлөө, шударга ёс, ил тод байдлыг эрхэмлэн дээдэлдэг Үндсэн хуульт манай Монгол улсад төр засгийн дээд түвшинд иргэд, олон нийтийн дуу хоолойг хүргэхэд орон нутгийн хэвлэл мэдээллийн байгууллагын оролцоо, хувь нэмэр их байдаг билээ. Энэ өдөр www.erdenetnews.mn мэдээллийн сайт үүсч байгуулагдсаны 5 жилийн ой тохиож байна. Тус хэвлэл мэдээллийн байгууллага үйл ажиллагаагаа явуулж эхлэсэн цагаасаа Монгол эх орны минь 20-р зууны бүтээн байгуулалтын түүчээ болсон Эрдэнэт хотын иргэдийн дуу хоолойг төр захиргааны шийдвэр гаргах түвшинд болоод иргэд олон нийтэд цаг алдалгүй шуурхай хүргэх, цаг үеийн бодит, тэнцвэртэй мэдээ мэдээллээр хангах, иргэдийн эрх ашгийг хамгаалах, мөн монголын хэвлэл мэдээллийн салбарт томоохон хувь нэмэр оруулсныг онцлон тэмдэглэе. Төр түмний элч болсон Улсын Их Хурлын гишүүний хувиар миний бие Эрдэнэт хотын иргэдтэй харилцан уялдаатай ажиллах, өдөр тутам цаг үеийн асуудлаар шуурхай мэдээ мэдээлэл авахад энэхүү сайт нэгэн гүүр нь болж ажилладагт мөн талархалтай байна. Ингээд www.erdenetnews.mn сайтын хамт олонд тус байгууллага үүсч хөгжсөний 5 жилийн ойн баярын мэндийг дэвшүүлэхийн ялдамд ажлын өндөр амжилтыг хүсэн ерөөе! УЛСЫН ИХ ХУРЛЫН ГИШҮҮН О.БААСАНХҮҮ