Сургуулийн ойролцоо 50 метр газарт тамхи худалдан борлуулахыг хуулиар хориглодог. Тамхины хяналтын тухай хуулийг хэрэгжүүлэхийн тулд аймгийн Мэргэжлийн хяналтын газар болон Баян-Өндөр сумын холбогдох мэргэжилтнүүд хамтран ажлын хэсэг байгуулж , хяналт шалгалт хийсэн байна. Шалгалтанд 12 аж ахуй нэгжийг хамруулснаас дөрөв нь тамхи худалдаалдаг болох нь илэрч холбогдох хууль тогтоомжийн дагуу хариуцлага тооцсон байна. Аймгийн хэмжээнд тус хяналт шалгалтыг ажлыг тогтмолжуулан ажиллах юм байна. Тамхины хяналтын тухай хуулинд сургуулийн орчинд 50 метрээс дотогш тамхи худалдан борлуулсан тохиолдолд 50 мянган төгрөгөөр торгоно. Тамхи худалдан борлуулах зөвшөөрөлгүй худалдаалсан тохиолдолд 350 мянган төгрөгөөр торгож, тамхийг хурааж улсын орлого болгохоор заажээ. [sgmb id="1"]