Монголын үндэсний музейн судлаачид Орхон аймгийн Жаргалант сумын нутаг Айргийн гозгор хэмээх газарт археологийн малтлага судалгаа явуулсан байна. Тус судалгааны ангийнхан есөн булшийг бүртгэн баримтжуулж, 1арван булшийг малтан судалжээ. Судалгааны явцад Монгол Улсын нутаг дэвсгэрээс урьд өмнө нь илэрч байгаагүй өвөрмөц оршуулгын зан үйл бүхий булш оршуулгыг илрүүлж, олон тооны үнэт ховор дурсгалуудыг нээсэн байна. Дээрх үзмэрээс Орхон аймгийн Музей, Монголын үндэсний Музейн сан хөмрөгийг баяжуулжээ. Айргийн гозгороос олдсон олдворуудаас дурьдвал, гоёл чимэглэлийн олдворын хувьд  сувсан зүүлтүүд, хүрэл бугуйвч, үсний ясан шор зэрэг зүйлс олджээ. Сувдан зүүлтийн зарим нэгний гадаргууд тусгай түрхлэг наалдан үлджээ. Харин судалгааны явцад ахуйн хэрэглээний эдлэлд чий будагтай аяганы хагархай, бүтэн болон хагархай шавар сав суулга, ясан халбага, савх, үйсэн сав, төмөр хутга зэрэг зүйлс илэрсэн байна. [sgmb id="1"]