Хүнсний аюулгүй байдлыг хангуулах “Эрүүл хүнс эрүүл хүүхэд” сарын ажлыг аймгийн МХГ-аас эхлүүлээд байгаа билээ. Энэ ажлын хүрээнд шинэ жилийн баяртай холбогдуулан хүнсний зах, томоохон худалдааны төв, дэлгүүрээр эрүүл ахуй чанарын шаардлагын бүрэн бүтэн байдлыг хангуулах хяналт шалгалтыг хийж байна. Мөн 50-иас дээш суудалтай зоогийн газруудыг эрүүл ахуй чанарын шаардлагын стандартыг хангуулах зорилгоор дээрх шалгалтанд хамруулж байна. Нийтийг хамарсан баяр ёслолын үеэр хүнсний аюулгүй байдлыг хангах зорилгоор урдчилан сэргийлэх, хяналт шалгалтыг хүүхдийн бэлэг, нийтийн хоол хүнсээр дамжих өвчин гарахаас сэргийлэх, бараа бүтээгдэхүүний аюулгүй байдлыг хангах, ажил үйлчилгээний чанар стандартыг хангуулах зорилготой уг шалгалтыг эхлүүлээд байна. Энэ сарын 5-28-ныг хүртлэх хугацаанд шалгалтыг явуулах юм байна. Эрүүл хүнсээр хүүхдийн бэлэг бэлтгэх, шинэ жилийн баяр ёслолын үеэр хоол хүнсний халдвар, хордлогоос урьдчилан сэргийлэхийн тулд хүнсний түүхий эд, бүтээгдэхүүн худалдан авахдаа бүтээгдэхүүний үйлдвэрлэсэн газар, гарал үүсэл тодорхой эсэх, хадгалах болон хэрэглэж дуусах хугацаа хэтэрсэн эсэх, сав, баглаа боодлын бүрэн бүтэн байдлыг шалган авч хүүхдийнхээ эрүүл мэндэд үүсч болзошгүй эрсдэлээс урьдчилан сэргийлэхийг Мэргэжлийн хяналтын газраас анхаарууллаа. [sgmb id="1"]