БОЭТ-ийн Хүүхдийн тасгийн ачаалал ихэссэн байна. Тус тасаг нь 57 хүүхэд хэвтэн эмчлүүлэх хүчин чадалтай хэдий ч одоогийн байдлаар 130 гаруй хүүхэд хүлээн авч ажиллаж байна. Ачаалал ихэссэнтэй холбогдуулан аймгийн удирдлагууд газар дээр нь очиж танилцан үүрэг даалгавар өгчээ. Ханиад томууны  дэгдэлт манай аймагт ихэссэн учраас Хүүхдийн тасгийн ачаалал нэмэгджээ. Амбултороор үзүүлж байгаа хүүхдүүдээс судалгаа авахад ихэнх нь өрхийн эрүүл мэндийн төвөөр очиж үзүүлдэггүйн улмаас тус тасагт ачаала ихэссэн талаар Хүүхдийн эмнэлгийн удирдлагууд хэлж байлаа. Томуугийн өвчлөл амбулаторын өвчлөлийн 5,1 хувийг эзэлж байна. Ханиад томууны ид дэгдэлтийн үед эм тарианы хангамж багассан байна. Иймд аймгийн удирдлагууд тодорхой хэмжээний мөнгөн тусламж үзүүлэхээр шийдвэрлэжээ. Харин эрүүл мэндийн байгууллагын удирлагын хувьд томуугийн дэгдэлтийн үед ажлын хэсэг байгуулан тодорхой чиглэлийн дагуу ажиллах саналаа танилцуулаа. Мөн ахмад настан болон жирэмсэн эхчүүд зэрэг эрсдэлтэй бүлгийн хүмүүсийг хяналтанд авах, өрхийн эрүүл мэндийн төвүүдийн цагийг уртасгах ажлуудыг зохион байгуулах юм байна. Иргэдийн хувьд хүүхдээ өрхийн эрүүл мэндийн төвд үзүүлэхээс илүүтэй хүүхдийн амбулаторт үзүүлэх хүсэлтэй байдаг. Иймд өрхийн эрүүл мэндийн төвийн эмч, сувилагч нарт чадавхжуулах сургалт зохион байгуулах талаар үүрэг өгсөн байна. [sgmb id="1"]