Энэ мэдээллийг аймгийн Засаг даргын шуурхай эхлэхийн өмнө аймгийн ИТХ-ын дарга П.Пүрэвлхагва өгсөн юм. Аймгийн ИТХ-аас сар бүрийг нэрэмжит болгож ажилласнаар төр, иргэдийн хамтын ажиллагаа өмнөхөөс шинэ шатанд гарч түүний хэрээр аймаг, орон нутгийн зүгээс гаргаж буй бодлого шийдвэр иргэдэд хүрч зохиогдох ажил үр дүнтэй, өгөөжтэй болно гэдгийг П.Пүрэвлхагва дарга онцоллоо. Энэ нэгдүгээр сарыг “үйлчилгээний соёлыг манлайлах сар” болгох гэж буйгаа ч дуулгасан. Үүний хүрээнд аймгийн хэмжээнд үйл ажиллагаа эрхэлдэг томоохон зах, худалдааны байгууллагын удирдлага, бизнес эрхлэгчидтэй уулзалт хийхээр аймгийн ИТХ-аас төлөвлөж байгаа аж. Энэ үеэр Хурлын даргын онцолсон нэг зүйл нь “2017 он бол аймгийн Засаг даргын мөрийн хөтөлбөрийн гарааны жил. Тиймээс байгууллагын удирдлагууд мөрийн хөтөлбөр, Үндсэн чиглэлийг хэрэгжүүлэхийн тулд тодорхой хөтөлбөр, төлөвлөгөө боловсруулан түүндээ хяналт тавьж ажиллах хэрэгтэй” хэмээн сануулсан юм. [sgmb id="1"]