“Тусгал-1” телевизийг 2009 онд УИХ-ын гишүүн Д.Дамба-Очир үүсгэн байгуулж байсан. Тус телевизийг 2013 оноос хойш өнөөдрийг хүртэл сэтгүүлч М.Мөнхцэцэг удирдан ажиллаж, улмаар өмчийн тодорхой хувийн эзэмшигч болсон юм. Энэ долоо хоногт Д.Дамба-Очир, М.Мөнхцэцэг нарын хооронд байгуулсан Хамтран ажиллах, хувь эзэмших гэрээний дагуу тус телевизийг сэтгүүлч М.Мөнхцэцэгийн нэр дээр 100 хувь шилжүүлэн өгсөн байна. Дээрх хугацаанд мэргэжил мэдлэг, хөрөнгө хүчээ зориулан ажилласан сэтгүүлчийн хөдөлмөрийг ийнхүү үнэлж, мэргэжлийн байгууллагыг мэргэжлийн хүн авч явах нь зүйтэй гэсэн саналыг УИХ-ын гишүүн Д.Дамба-Очир гаргажээ. “Очир төв холдинг” ХХК-ийн гүйцэтгэх захирал Б.Цэгмэд, “Тусгал-1” телевизийн захирал М.Мөнхцэцэг нар Телевизийн тусгай зөвшөөрөл бүхий компанийн бичиг баримтыг хууль ёсны болгож, хүлээлцсэн байна. [sgmb id="1"]