Сар шинийн баярыг угтаж “Хоггүй-Цагаан сар” аяныг энэ сарын 15-наас эхлэн ирэх сарын 10-ныг хүртэл Хот тохижуулах газраас зохион байгуулж байна. Хот тохижуулах газраас гаргасан хуваарийн дагуу багуудад хог ачилт хийж эхэллээ. Хог ачилт Шанд, Даваат багаас эхэлсэн байна. Багийн Засаг дарга болон хэсгийн ахлагч нар хамтран ажиллах юм. Нэг багт нэг удаа очих учраас айл өрхүүд хогоо хуваарийн дагуу гаргахыг санууллаа. Багуудад нийт 12 машин ажиллаж байна. Хот тохижуулах газрын дарга Б.Оюунбаяр “ Уг аяны хүрээнд баг тус бүрт ажиллана. Гэр хорооллын айлуудыг хоггүй болгохоор энэ ажлыг эхлүүлсэн” гэж ярилаа. Цас орох үед халтиргаа гулгаанаас хэрхэн сэргийлэх талаар тодруулахад, Хот тохижуулах газрын дарга Б.Оюунбаяр “Зам дээр цацах давс, хайрганы нөөц хангалттай байгаа. Машин техникийн бүрэн бүтэн байдлыг сайтар хангасан. Цас орсон үед шаардлагатай арга хэмжээг авах боломжтой” гэж хэллээ. Ц.Ариунчимэг [sgmb id="1"]