Монгол түмний дунд ардын дуу мэт дуулагдаж, хоногшсон “Эх орон танаа”, “Саальчин бүсгүй” зэрэг олон дууны шүлгийн эзэн, зохиолч, ахмад сэтгүүлч Даг.Жамъян гуайн шүлэг, яруу найргийн шинэхэн түүвэр ном уншигчдын гар дээр очиж байна. "Насны намар"  уран бүтээлийн энэхүү ном нь уран бүтээлчийн 33 дахь бие даасан шүлгийн ном болж байна. Түүний  номыг сэтгүүлч С.Сувдаа ивээн тэтгэж, "Сэтгүүлчдийн Оюуны Голомт" номын редакцийн сэтгүүлчид эмхлэн, редакторлаж хэвлүүлсэн юм. Шинэхэн номоо гардан,магнай тэнийн баярлаж, "Шүлэг найргийн ажилдаа цэг тавих болоогүй. Дахиад хоёр ч шинэ номын эх бэлэн болж байгаа" хэмээн ярих эдүгээ 88 насны сүүдэр зооглож буй Даг.Жамъян гуайгаар бахархахгүй байхын аргагүй. Их найрагч, зохиолч, нэрт сэтгүүлч Даг.Жамъян гуайдаа эрүүл энхийг хүсч, уран бүтээлийн өндөр амжилт хүсэн ерөөе. [sgmb id="1"]