Эрдэнэт үйлдвэрийн Ил уурхайн ҮЭХ-ны дарга П.Баттөр “Эрдэнэт үйлдвэр-Ард түмний өмч” хөдөлгөөний тэргүүн Ц.Алтаншагайтай хамтран мэдээлэл хийлээ. Тэрбээр “Эрдэнэтийн 49 хувийн төлөөлөл ирээд багагүй хугацаа өнгөрсөн ч ажилчдын хувьд байдал сайжирсангүй. Харин ч тэд Эрдэнэт үйлдвэрийн орлогоос 58 сая ам.долларыг “Ногдол ашиг” нэрээр авсан. Сүүлийн гурван жилд үйлдвэрийн ажилчдын цалин, хөлс нэмэгдээгүй. Харин эсрэгээрээ ажилчдын бүтээмж өссөн, ачаалал нэмэгдсэн. Гэтэл гар дээрх цалин нь нэмэгдээгүй. 2016 онд ам.доллар 1700 төгрөг байсан, өнөөдөр 2420 төгрөг байгаа. Бидний тооцоогоор зөвхөн долларын ханшийн зөрүүнээс үйлдвэрийн ажилчдын цалинг 25 хувиар нэмэх бололцоо байна. Энэ талаар ярих, санал тавих гэхээр үйлдвэрийн Үйлдвэрчний хорооны дарга Н.Батбаатар үйлдвэрийн удирдлагуудтай хуйвалдан тэдний талд үйлчилж байна. Өнөөдөр үйлдвэрийн Үйлдвэрчний хороо хамтын гэрээгээ байгуулаагүй. Жилдээ ажилчдаас 700 саяаас нэг тэрбум төгрөгийг үйлдвэрчний татвар нэрээр авдаг атлаа Н.Батбаатар дарга нартай үгсэн хуйвалдаж тэдэнд үйлчилж байна” гэж ярьлаа. [embed]http://www.erdenetnews.mn/wp-content/uploads/video/2017-03-23-Battur-video.mp4[/embed]