Аймгийн хэмжээнд 2017 онд орон сууцны иргэдийн ая тухтай оршин суух нөхцөл боломжийг хангах үүднээс 66 орон сууцны байрны блокын дээвэрт засвар хийхээр төлөвлөжээ. Үүний 44 блокны засвар орон нутгийн төсвийн хөрөнгөөр хийгдэх юм. Харин 18 болкны дээврийн засварын зардлыг аймгийн Засаг даргын аваарын зардлаас санхүүжүүлэхээр шийдвэрлэжээ.               Хотын камерын засвар үйлчилгээг сайжруулах зорилгоор ажиллахгүй байгаа 89 камерыг сэргээн засварлах хөрөнгийг 2017 оны төсөвт тусган уг ажлын гүйцэтгэгчийг сонгон шалгаруулж ажлыг эхлүүлээд байна. Мөн камерыг өргөтгөх, “Шуурхай удирдлагын төв” байгуулах төсөл боловсруулах ажлын хэсгийг байгуулан нийслэлийн” Шуурхай удирдлагын төв” болон камержуулалтын ажилтай танилцан төслийг боловсруулах ажлыг хийж байна. Иргэд тогныхоо заалтыг хянах боломж бүрдлээ       “Эрдэнэт Булганы цахилгаан түгээх сүлжээ” ТӨХК  нь цахилгааны төлбөр, тоолуурын заалтыг  сар бүрийн 1-5 хооронд бичилт хийж байна. Тоолуурын заалтыг иргэдэд  харуулах өдрийн графикийг  цахилгааны шитэнд байршуулах ажил хийгдэж байна.  Мөн” EBEDN.MN” цахим сайтаас хэрэглэгч өөрийн кодоор орж  сар бүрийн тоолуурын заалтыг хянах, төлбөр тооцоогоо хийх боломжтой болсон. Хэрэглэгчийн өөрийн  цахилгаан эрчим хүчний гэрээний кодоор дуудлага өгч тоолуурын заалтаа харах боломжтой. “Эрдэнэт ус, дулаан түгээх сүлжээ” ОНӨХК  гэр хорооллын Эрдэнэ, Яргуйт, Даваат багуудад тоолуур нэгтгэлийн ажлыг  хийж байна. Цахилгааны тоолуурын заалтыг байцаагч эсвэл  диспетчерийн албанд мэдэгдэн харах боломжтой.            Мөн Эрдэнэ багийн Бүрэнбүстийн овооны хойд талын айл өрхийг цахилгаанаар хангах 160 квт-ын  дэд станц, 6, 0,4, 0,22 квт-ын цахилгаан дамжуулах агаарын шугам барих ажилд  орон нутгийн төсөвт 40 сая төгрөг батлагдсан. Гүйцэтгэгч шалгаруулах тендер зарлаж байна. Байр хоорондын явган зам шинэчлэх ажил үе шаттайгаар хийгдэж байна. Орон сууцны 5, 6-р хорооллын авто замын үерийн ус зайлуулах сувгийг төлөвлөж, зураг төсөв боловсруулах тендер зарлаад байна. [sgmb id="1"]