Орхон аймаг, “Эрдэнэт үйлдвэр”-ийн Хамтын ажиллагааны гэрээг үзэглэх ёслолын ажиллагаа аймгийн Хүндэтгэлийн өргөөнд боллоо. Гэрээнд гарын үсэг зурах ёслолд аймгийн удирдлагууд, үйлдвэрийн удирдлагын багийнхан оролцсон юм.Энэ үеэр аймгийн Засаг дарга Д.Батлутаас гэрээний талаар асууж тодрууллаа. Гэрээний ач холбогдол, үр дүнг яаж харж байна вэ? Бид бүхэн өмнө нь “Эрдэнэт үйлдвэр”-тэй Хамтран ажиллах санамж бичиг байгуулан ажилладаг байсан. Энэ хүрээнд аймаг, үйлдвэр хамтарч олон сайхан ажлыг бүтээсэн арвин туршлагатай. Олон жил уурхайчдынхаа хөрөнгө оруулалтаар эрдэнэтчүүдэд хөрөнгө оруулсан олон сайхан бүтээн байгуулалт байдаг. Энэ жилийн хувьд хамтран ажиллах чиглэл дээр тодорхой өөрчлөлт гаргасан нь гэрээ байгуулж байгааявдал юм. Үүний хүрээнд төлөвлөгөө боловсруулж тодотгол хэлбэрээр батлаад, ажиллаж байгаа. Гэрээ байгуулсанаар заалт бүр 100 хувь биелэсэн байх ёстой. Тийм учраас гэрээ байгуулсанаараа тодорхой үр дүнд хүрнэ. Энэ гэрээний заалт бүрээр хэрэгжих боломж нөхцөл бүрдсэнээрээ Орхон аймаг, “Эрдэнэт үйлдвэр”-ийн Хамтын ажиллагааны гэрээ шинэ шатанд гарна. Гэрээнээс гарах үр дүн манай эрдэнэтчүүдийн нийтлэг эрх ашигт нийцэх болно гэж Хамтын ажиллагааны гэрээний ач холбогдлыг үнэлж байна. Гэрээн дээр иргэдээс ирүүлсэн саналыг хэр тусгасан бэ? 2018 онд бүтэн жилийнхээ төлөвлөгөөг гаргаж ажиллана. Иргэдээс ирсэн олон тулгамдсан асуудлыг оруулсан. Дараа жилээс илүү бүтээн байгуулалтын ажлыг оруулахыг бодож байгаа. Төлөвлөгөөний дагуу хамгийн эхэнд Эрдэнэтийн илгээлтийн эзэд, барилгачдад үзүүлдэг тусламж үйлчилгээг шийдвэрлэх, “Эрдэнэт үйлдвэр”-тэй болон -Бид сая хагас жилийн түвшинд хэрэгжүүлэх ажлын төлөвлөгөөг баталлаа. Ирэх ирдолтой холбоотой асуудлыг эхний ээлжинд шийдвэрлэхээр төлөвлөсөн. Х.Бадамсүрэн: Бид юу хийх вэ гэдгээ иргэдтэйгээ зөвлөлдөх нь чухал Хамтын ажиллагааны гэрээ зурах ёслолын үеэр “Эрдэнэт үйлдвэр”-ийн ерөнхий захирал Х.Бадамсүрэнгээс энэхүү гэрээний онцлогийн талаар тодруулсан юм. Хамтын ажиллагааны гэрээ өмнөхөөсөө арай өргөн хүрээнд хийгдэж байна гэж ойлголоо. Үйлдвэрийн зүгээс өнөөдрийн гэрээнд илүүтэй ач холбогдол өгч хоёр, гурван удаа ч тодорхой хэмжээнд уулзалт хэлэлцүүлэг зохион байгуулсан. Аймаг, орон нутгийнхан иргэдийнхээ санал, хүсэлтийг түлхүү тусгасан гээд харвал онцлог юм олон бий. Таны хувьд төлөвлөгөө гэхээсээ илүүтэй үйлдвэр, орон нутаг хоёрын хамтын ажиллагааг юу гэж харж байна вэ? Уул уурхайн баяжуулах “Эрдэнэт үйлдвэр” Эрдэнэт хот байнга холбоотой хөгжиж дэвжиж ирсэн сайхан түүхтэй. Хамтын ажиллагааны дагуу хийх ажлыг бид тодорхой гэрээний үндсэн дээр хэрэгжүүлдэг уламжлалтай. Энэ онд хийх ажлыг илүү тодотгож түүнийхээ дагуу төлөвлөгөө гарган түүндээ гарын үсэг зурлаа. Хамгийн гол нь бидний гарын үсэг зурсан тодотгосон төлөвлөгөө бол орхончуудын, уурхайчдын төлөө, хүний төлөө чиглэсэн ажил юм. Төлөвлөгөөний хамгийн гол онцлог нь энэ удаад бид ард иргэдийнхээ эрүүл мэнд, боловсролын чиглэлд илүүтэй анхаарлаа хандуулж байгаа. Хоёрдугаарт, Хамгийн гол нь бид энэ гэрээний өнөөдрийн төлөвлөгөөний хувьд эцсийн дүнд эрдэнэтчүүдийн төлөө хөгжил дэвшил цэцэглэнэ. Тиймээс бид юу хийх вэ гэдгээ иргэдтэйгээ зөвлөлдөх нь маш чухал. Үйлдвэрийн зүгээс иргэдийнхээ төлөөллийн байгууллага болсон аймгийн ИТХ-ын төлөөлөгчидтэй цаашдын хамтын ажиллагааны талаар уулзалт зохиож харилцан ярилцлаа. Мөн иргэдийн төлөөлөлтэй тодорхой төвшинд уулзалдсан. Санал, хүсэлтийг нь сонссон. Энэ удаагийн хийх ажлын төлөвлөгөө, хамтын ажиллагааны гэрээ иргэдийн төлөө л зориулагдсан. Хамтын ажиллагааны гэрээ дөрвөн жилийн хугацаатай. Ажлын төлөвлөгөө жил бүрээр нарийвчлан гарсан. Хоёр талын хамтын ажиллагааны хэтийн төлөв талаас нь юу гэх вэ? Эрдэнэтийн хувьд онцлогтой, бид Үндсэн хуульд өөрчлөлт оруулах замаар Эрдэнэт маань уламжлалт хот нэрээ сэргээж, Монгол улсын томоохон хотын хувьд илүү хөгжин дэвших нөхцөл бололцоо удахгүй бүрдэнэ гэдэгт эргэлзэхгүй байгаа. Саяхан л үйлдвэрийг  40 жилийн насжилттай гэж байсанбол өнөөдрийн байдлаар дахиад 60 шахам жил ажиллах нөөц, боломж байгаа. Тиймээс Эрдэнэт хот, үйлдвэр хоёрын хамтын ажиллагаа иргэнийхээ төлөө, уурхайчдын төлөөбүр цаашилбал төрийн анхан шатны нэгж багийн хөгжлөөс эхлээд сум, аймгийн хэмжээнд илүү өргөн хүрээнд хамтран ажиллах боломж байгаа.  Цаашдаа бид Эрдэнэт хотоо яаж хөгжүүлэх вэ, Орхон аймгийнхаа сум, багуудыг яаж хөгжүүлэх вэ гэдэгт анхаарал тавьж ажиллана. Улс орноо хөгжүүлэхийн тулд бид засаг захиргааны нэгжийн асуудад тодорхой хандах ёстой. [sgmb id="1"]