Хаврын улс төрийн салхийг Орхон аймгийн Арчилсан намаас эхлүүлэх бололтой. Ардчилсан намын хорооны Тэргүүлэгчдийн хурлаас аймгийн ИТХ дахь намын Бүлэгтээ Орхон аймгийн одоогийн удирдлагуудыг огцруулах чиглэл өгсөн байна. Энэхүү чиглэлээ намын дүрмийн дагуу АН-ын хорооны Тэргүүлэгчдийн тогтоол гарган баталгаажуулжээ. Орхон аймгийн ИТХ-ын дарга Д.Мөнхбат, Засаг дарга Б.Зоригтбаяр нарын хууль зөрчсөн үйлдлүүдэд хариуцлага тооцож, огцруулах асуудлыг сөрөг хүчний зүгээс хуулийн дагуу тавих ажээ. Энэ асуудалтай үүдэн сүүлийн 3 сонгуулиар Орхон аймгийг хэл амтай удирдаж буй МАН-ын бүлэг хөдөлгөөнд орох нь. Иргэд олон нийтийн зүгээс ч хэмжээгүй эрхээр дархлагдсан Ардын намын удирдлагуудын булхайг ил гаргахыг алга ташин угтах нь ойлгомжтой. Ардчилсан намын шинэхэн, залуу дарга Г.Алтангэрэлийн багийн энэ удаагийн улс төрийн нүүдэл хэр хол явахыг иргэд хүлээж, харж байна.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ErdenetNews.mn хариуцлага хүлээхгүй.