“Эрдэнэт үйлдвэр” ТӨҮГ, Орхон аймаг хамтын ажиллагааны хүрээнд Ерөнхий боловсролын сургууль, цэцэрлэгүүдэд 500 гаруй сая төгрөгийн хөрөнгө оруулалт хийж байна. Тухайлбал, өнөөдөр Орхон аймгийн 4, 26, 6-р цэцэрлэгийн багачуудад “Бумбардай” цуврал номыг бэлэглэв. Төрийн болон хувийн хэвшлийн нийт 42 цэцэрлэгт 5000 орчим буддаг ном, комик цувралыг хүлээлгэн өгөх юм. Орхон аймгийн хэмжээнд сургуулийн өмнөх боловсрол олгох, цэцэрлэгийн 272 бүлэг байдаг бөгөөд бүлэг тус бүрт 1 сая төгрөгийн ном, тоглоомыг уурхайчид бэлэглэж байна. Мөн төрийн өмчийн 17, хувийн хэвшлийн 7 сургуульд тус бүр 10 сая төгрөгийн тоног төхөөрөмж, сургалтын хэрэглэгдэхүүн олгоно.
