Нэг их наяд төгрөг хэдий хэмжээний мөнгө бол гэж та бодож үзсэн үү. Хэмжиж, жинлэж, шанагаар хутгаж ч барамгүй эд. Тэгвэл Эрдэнэтийн уурхайчид 2020 оноос улс, орон нутгийн төсөвт нэг их наяд төвлөрүүлдэг болсон. Энэ цагаас эхлэн Эрдэнэтийн уурхайчдыг Их наядтангууд хэмээн ам бардам хэлдэг билээ. Монголын уран сайхны 1960, 1970-аад оны кинон дээр “Саятан жолооч” гэсэн бичигтэй тээврийн жолооч нарын тухай гардаг. Сая км гэвэл дэлхийн бөмбөрцгийг 25 удаа тойрснийг илтгэх хэмжээс.

Харин өнгөрөгч 2021 онд Эрдэнэтийн уурхайчид улс, орон нутгийн төсөвт нэг их наяд 186.4 сая төгрөг төвлөрүүлсэн байна. Бас болоогүй 2021 онд тог, цахилгаан, хог хаягдлын үнийн хөнгөлөлтөд мөн л нэг их наяд төгрөгийг уурхайчид бий болгосон. Ийм амжилтад хүрэхийн тулд уурхайчид

Нэг хоногт 90 мянган тонн хүдэр олборлож, 89.5 мянган тонн хүдэр боловсруулсан ажээ.

Үүнийг мөнгөн дүнгээр илэрхийлбэл, нэг хоногт 8.5 тэрбум төгрөгийн борлуулалтын орлого олж, 3.3 тэрбум төгрөгийг улс, орон нутгийн төсөвт төвлөрүүлсэн байна.

Бас нэг том тоог уншигч таньд дуулгая, 2021 онд 36 сая тонн хүдэр олборлож, 32.6 сая тонн хүдэр боловсруулан, 576.6 мянган тонн зэсийн баяжмал 6.3 мянган тонн молибдены баяжмал үйлдвэрлэсэн нь уурхайн  түүхэнд хамгийн өндөр үзүүлэлт болжээ.